მიხეილ გაჩეჩილაძე

დაბადების ადგილი: სოფელი წევა, ყოფილი შორაპნის მაზრა, ზესტაფონის რაიონი.

დაამთავრა ყვირილის სასწავლებელი 1893 წელს.

აქტიურ მონაწილეობას იღებდა ზესტაფონის კულტურულ-პოლიტიკურ ჯგუფში, რომლის თაოსნობითაც დაარსდა წიგნთსაცავ-სამკითხველო, დრამატული წრე, წიგნთსავაჭრო (1894), ოთხკლასიანი საწავლებელი, სტამბა, სასოფლო-სამეურნეო საზოგადოება და სხვ.; 1893-1894წწ. ზესტაფონში გახსნა სტამბა და წიგნის მაღაზია, რომელიც 1905 წელს გენერალ-გუბერნატორმა ალიხანოვ-ავარსკიმ გადაწვა, როგორც რევოლუციური პროპაგანდის ბუდე, ხოლო მიხეილ გაჩეჩილაძეს დევნა დაუწყო; მიხეილ გაჩეჩილაძემ 1895 წელს ბათუმში დააარსა გამომცემელთა ამხანაგობა "გლეხი" (აქ გამოსცა ე. ვოდოვოზოვის "გერმანელები", "იტალიელები", "ინგლისელები"); 1907 წლის 27 ნოემბერს მისი თაოსნობით ზესტაფონში შეიქმნა "ყვირილის თეატრის ამშენებელი ამხანაგობა", ( ჯგუფს კავშირი ჰქონდა დასავლეთ საქართველოს რევოლუციონერებთან). ამხანაგობამ ზესტაფონში თბილისის თეატრის მსგავსი თეატრის შენობა ააშენა, რომლის ღირებულება 12 000 მანეთი იყო; 1904 წლის დასაწყისში, რევოლუციური მიზნით ხალხის შეიარაღებისათვის შეგროვებული იარაღი ამ თეატრის სცენის ქვეშ, საწყობში ინახებოდა; 1906 წელს მიხეილ გაჩეჩილაძემ თბილისში დააარსა გამომცემლობა "შორაპანი" და სტამბა. იგი გამოსცემდა ჟურნალ-გაზეთებს: "ხუმარა" (ა. წერეთლის რედაქტორობით), "ნიშადური" (ვ. გუნიას რედაქტორობით), "ხალხი" (ზ. საფაროვის რედაქტორობით), "ჩვენი დროება" (ს. მგალობლიშვილის რედაქტორობით), "ფასკუნჯი" (ს. ფირცხალავას რედაქტორობით), "ინდუსტრია", "ცეცხლი"; 1911-1912წწ. მისი რედაქტორობით გამოდიოდა ბიბლიოგრაფიული ცნობებით მდიდარი, ყოველდღიური პოლიტიკურ-ლიტერატურული გამოცემა "დროშა"; ბეჭდავდა არალეგალურ გამოცემებსაც, რის გამოც სტამბა რამდენჯერმე ჩამოართვეს; 1907 წელს პოლიტიკური საქმიანობის გამო მეტეხის ციხეში იჯდა; საქართველოში მან შექმნა პირველად ჟურნალ-გაზეთების გამავრცელებელი ქსელი; თანამშრომლობდა "ცნობის ფურცელთან", "ხალხთან"; შეადგინა და გამოსცა ჯიბისა და კედლის კალენდარი: 1903-1905წწ, 1908-1911წწ. გამოსცა ლიტერატურულ-დრამატულ ნაწარმოებთა კრებული "ჩანგი", "განდეგილის მოთხრობები", ვაჟა-შაველას ლექსები და სხვ. მწიგნობარ-გამომცემელი, მესტამბე. 

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.520; ქართველ მოღვაწეთა ნეკროპოლი. წ. 1/ შეადგ., წინასიტყვაობა, შენიშვნები და საძიებელი დაურთო სოლომონ ხუციშვილმა. -თბ., 1961. -გვ.129

• ყვირილის სამეურნეო-საურთიერთო ნდობის საზოგადოება, საბჭოს თავმჯდომარე (1904-1905)

• სახალხო კალენდარი 1910 წ. (შემდგენელი). - თბილისი, სტ. ამხ. "სორაპანი", 1910. - 320გვ.
• ახალხო კალენდარი 1909 წ. : წელიწადი მე-7 / შედგენილი და გამოცემული მ. გაჩეჩილაძის მიერ. (შემდგენელი). - თბილისი, "სორაპანი"-ს სტ., 1909. - 308გვ.
• სახალხო კალენდარი 1908 წლისა : წელიწადი მეექვსე / შედგენილი და გამოცემული მ. გაჩეჩილაძის მიერ. (შემდგენელი). - თბილისი, სტ. სორაპანი, 1908. - 272გვ.
• სახალხო კალენდარი 1903 წლისა : წელიწადი მეოთხე / შედგენილი და გამოცემული მ. გაჩეჩილაძის მიერ. (შემდგენელი). - მ. გაჩეჩილაძის სტ., 1903. - 192გვ.