გიგო გელიკურაშვილი

მუშაობდა რკინიგზაში. 1880-იანი წლებიდან მართავდა წარმოდგენებს. სახალხო თეატრის სცენაზე შესრულებული აქვს კომედიური ხასითის როლები: მაზუთიანი ("ციმბირელი"), კარაპეტა ("ძუნწი"), ოსეფა ("მათიკო"), გიქო ("პეპო") და სხვ. 1903 წელს ავლაბრის სახალხო თეატრმა იოსებ იმედაშვილის თაოსნობით გიგო გელიკურაშვილის სასცენო მოღვაწეობის 20 წლის იუბილე აღნიშნა. უმეტესად თამაშობდა უსასყიდლოდ, იყო სასცენო ხელოვნების დიდი მოყვარული. გარდაიცვალა დიდ სიღარიბეში, 1920-იან წლებში.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.558

• სახალხო თეატრის დამსახურებული მუშაკი