ნოდარ თოფურია

დაბადების ადგილი: სოფელი განათლებისკარი (ახლანდ. მაცხოვრისკარი),  აბაშის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი 1952 წელს.

 მუშაობდა დაღესტანსა და გალის რაიონში სახელმწიფო დაწესებულებებში სხვადასხვა ხელმძღვანელ თანამდებობაზე; 1964–1969წწ. იყო უფროსი მეცნიერი თანამშრომელი საქართველოს სახელმწიფო საგეგმო კომიტეტთან არსებულ სახალხო მეურნეობის ეკონომიკისა და დაგეგმვის სამეცნიერო-კვლევით ინსტიტუტში; 1978–1986წწ. საქ. სსრ მინისტრთა საბჭოს სახელმწიფო საგეგმო კომიტეტის კვების მრეწველობის განყილების უფროსი; 1969–1996წწ. პარალელურად ეწეოდა პედაგოგიურ საქმიანობას თბილისის სახელმწიფო უნივერსიტეტის პოლიტიკური ეკონიკის კათედრაზე; აქტიურად თანამშრომლობდა ჟურნალ "ეკონომიკის" რედაქციასთან; 1992 წელს დააარსა სოფელ განათლებისკარის განათლებისა და კულტურული აღორძინების საქველმოქმედო ფონდი, რომელიც ფულადი პრემიით ყოველწლიურად აჯილდოებდა სოფლის საუკეთესო პედაგოგებსა და წარჩინებულ მოსწავლეებს; გარდაცვალების შემდეგ განათლებისკარის სკოლას მიენიჭა მისი სახელი; მისი მეცნიერული კვლევის სფერო იყო საზოგადოებრივი წარმოების ეფექტიანობისა და ინტენსიფიკაციის, საქართველოს აგროსამრეწველო კომპლექსის ეკონომიკისა და მართვის ორგანიზაციის აქტუალური პრობლემები; არის მრავალი სამეცნ. ნაშრომის ავტორი, 3 მონოგრაფიისა და 4 სახელმძღვანელოსი; ეკონომიკის მეცნიერებათა დოქტორი (1990), პროფესორი (1991).

წყარო: საქართველო: ენციკლოპედია: ტ. IV. -თბ., 2018. -გვ.99

• 1985 - საქართველოს დამსახურებული ეკონომისტი

• წარმოების ეფექტიანობის ეკონომიკური პრობლემები (ავტორი). - თბილისი, თბილ. უნ-ტის გამ-ბა, 1978. - 316გვ.
• ხილბოსტნეულის წარმოება - გადამუშავების კომპლექსის ეფექტიანობა (ავტორი). - თბილისი, საბჭ. საქართველო, 1977. - 214გვ.
• ინტეგრაცია, ინტენსიფიკაცია, ეფექტიანობა - სასურსათო პრობლემის გადაწყვეტის საფუძველი (ავტორი). - თბილისი, თბილ. უნ-ტის გამ-ბა. - 253 გვ.