ღუდუშა არველაძე

დაბადების ადგილი: ქ. აბაშა.

დაამთავრა თბილისის სახელმწიფო უნივერსიტეტის მექანიკა-მათემატიკის ფაკულტეტი მათემატიკის სპეციალობით 1965 წელს. 

1966 წელს მუშაობა დაიწყო ჰიდრომეტეოროლოგიის ინსტიტუტში. 1968-1970წწ. იყო სტაჟიორ-მკვლევარი ობნინსკის ექსპერიმენტალური მეტეოროლოგიის ინსტიტუტში; 1971-1973წწ. სწავლობდა და დაამთავრა სრულიად რუსეთის სასოფლო-სამეურნეო მეტეოროლოგიის კვლევითი ინსტიტუტის ასპირანტურა. 1980-1991წწ. მუშაობდა კუბის მეცნიერებათა აკადემიაში. შემდეგ მუშაობა გააგრძელა ჰიდრომეტეოროლოგიის ინსტიტუტში აგრომეტეოროლოგიური პროცესების მათემატიკური ლაბორატორიის გამგედ. მუშაობს მრავალწლიანი სასოფლო-სამეურნეო კულტურების მოსავლის ფორმირების მათემატიკურ მოდელირებაზე. გამოქვეყნებული აქვს 45-ზე მეტი სამეცნიერო ნაშრომი, მათ შორის, მონოგრაფიები. მიღებული აქვს საქართველოს მინისტრთა საბჭოს საპატიო დიპლომი, საკავშირო სასოფლო-სამეურნეო გამოფენის ბრინჯაოს მედალი, კუბის მეცნიერებათა აკადემიის საპატიო დიპლომი, ობნინსკის ექსპერიმენტალური მეტეოროლოგიის საკავშირო ინსტიტუტის საპატიო დიპლომი და მეორე ხარისხის პრემია. ტექნიკის მეცნიერებათა დოქტორი.

საკანდიდატო დისერტაციის თემა - "საქართველოში ჩაის კულტურის პროდუქტიულობაზე აგრომეტეოროლოგიური პირობების გავლენის პროცესების მათემატიკური მოდელირება", დაიცვა 1975 წელს.

სადოქტორო დისერტაციის თემა - "მრავალწლიანი კულტურების მოსავლის ფორმირების აგრომეტეოროლოგიური პროცესების მათემატიკური მოდელირება და მათი წარმოების ტექნოლოგიის ოპტიმიზაცია", დაიცვა 1999 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.23-24

• Математическое моделирование процессов влияния агрометеорологических условий на продуктивность культуры чая в Грузинской ССР : Автореферат диссертации на соискание ученой степени кандидата геогр. наук (ავტორი). - Обнинск, Ин-т эксперим. метеорологии, 1975. - 28с.