შამშე გელოვანი

დაბადების ადგილი: სოფელი ახალჭალა, ლეჩხუმის რაიონი.

სწავლობდა ქუთაისის გიმნაზიაში. დაამთავრა ოდესის უნივერსიტეტის აგრონომიული ფაკულტეტი.

1905 წლის აპრილში, ალექსანდრე წულუკიძის დავალებით, თეოფილე გორგასლიძესა და ლადო ემუხვართან ერთად, ლეჩხუმში ჩამოაყალიბა ბოლშევიკთა წრე. რევოლუციურ მიტინგებს ატარებდა ქვემო სვანეთში. ერთ-ერთი მიტინგის დროს, სოფელ ჩოლოურში თავადმა გარდაფხაძეებმა მოკლეს. 1918 წელს, შურისძიების მიზნით ჩოლოურის გლეხობამ გარდაფხაძეების მთელი ოჯახი ამოწყვიტა. რევოლუციონერი, პროპაგანდისტ-აგიტატორი, ორგანიზატორი. ლეჩხუმის თავად-აზნაურთა წინამძღოლის, იასონ გელოვანის შვილი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.564