გიორგი თუმანიშვილი

დაბადების ადგილი: სოფელი ხელთუბანი, გორის მუნიციპალიტეტი.

სამხედრო განათლება მიიღო ნიკოლოზის საკავალერიო სკოლაში, დაამთავრა გენერალური შტაბის ნიკოლოზის აკადემია (სანქტ-პეტერბურგი) 1885 წელს.

1896–1900წწ. იყო მე-6 საკავალერიო დივიზიის შტაბის უფროსი; 1900-1901წწ. მეთაურობდა კიევის 27-ე დრაგუნთა პოლკს; 1902 მიენიჭა გენერალ-მაიორის წოდება; 1901-1904წწ. ასრულებდა ვარშავის სამხედრო ოლქის სარდლის საგანგებო დავალებათა გენერლის მოვალეობას; 1904-1905წწ. მონაწილეობდა რუსეთ-იაპონიის ომში; მეთაურობდა ციმბირის კაზაკთა დივიზიის მე-2 ბრიგადას; 1906-1907წწ. იყო მე-2 საკავალერიო კორპუსის შტაბის უფროსი; 1907-1910წწ. ვარშავის სამხედრო ოლქის მორიგე გენერალი; 1910 წელს მიენიჭა გენერალ-ლეიტენანტის წოდება; 1910 წლიდან მეთაურობდა მე-13 საკავალერიო დივიზიას; მონაწილეობდა I მსოფლიო ომში, თავი გამოიჩინა კრასნიკთან და ვილნოსთან ბრძოლებში; 1916 წლის მარტში დანიშნეს მე-7 საკავალერიო კორპუსის მეთაურად; 1917 წლის რევოლუციის შემდეგ გაათავისუფლეს დაკავებული თანამდებობიდან და ჩაირიცხა კიევის სამხედრო ოლქის შტაბის რეზერვში; 1918 წელს სამკურნალოდ გაემგზავრა ჩრდოეთ კავკასიაში, სადაც ტყვედ ჩაუვარდა ბოლშევიკებს და სხვა სამხედრო ტყვეებთან ერთად დახვრიტეს; დაჯილდოებულია ოქროს იარაღით, წარწერით "მამაცობისთვის" (1906). რუსეთის იმპერიის არმიის კავალერიის გენერალი (1916).

წყარო: საქართველო: ენციკლოპედია: ტ. IV. -თბ., 2018. -გვ.119

• 1917 - წმინდა გიორგის IV ხარისხის ორდენი
• 1913 - წმინდა ვლადიმირის II ხარისხის ორდენი
• 1909 - წმინდა ანას I ხარისხის ორდენი
• 1906 - წმინდა სტანისლავის I ხარისხის ორდენი (ხმლებით)
• 1905 - წმინდა ვლადიმირის III ხარისხის ორდენი (ხმლებით)
• 1903 - წმინდა სტანისლავის IV ხარისხის ორდენი (ბაბთით)
• 1900 - წმინდა ანას II ხარისხის ორდენი
• 1896 - წმინდა სტანისლავის II ხარისხის ორდენი
• 1886 - წმინდა ანას III ხარისხის ორდენი
• 1880 - წმინდა ანას IV ხარისხის ორდენი
• 1878 - წმინდა სტანისლავის III ხარისხის ორდენი, ხმლებითა და ბაბთით