დიმიტრი თუმანიშვილი

მდივნად იყო ერეკლე II-ის, შემდეგ გიორგი XII-ის კარზე; მონაწილეობდა რუსეთ-საქართველოს შორის პოლიტიკური ურთიერთობის დამყარებაში; მის პოეზიას ბესიკის ლირიკის გავლენა ატყვია; მისი ლექსებისათვის დამახასიათებელია გრძნობის სიცხოველე, სევდიანი განწყობილება, მწიგნობრული, მაღალფარდოვანი სტილი, განყენებული სახეებისა და ცნებების სიუხვე, უცხო ლექსიკის გამოყენება; მასვე ეკუთვნის სახოტბო და ფილოსოფიურ-რელიგიური ხასიათის ლექსები; მისი ლექსი "ახალ აღნაგო" პოპულარულ სიმღერად იქცა, ითარგმნა რუსულად და ინგლისურად. სიმღერას დიდი შთაბეჭდილება მოუხდენია ა. პუშკინზე, რომელმაც ეს ფაქტი აღნიშნა თხზულებაში "მოგზაურობა არზრუმში". სიმღერა ნოტებზე გადაიტანა ზ. ფალიაშვილმა.

წყარო: საქართველო: ენციკლოპედია: ტ. IV. -თბ., 2018. -გვ.121; ქართველ მოღვაწეთა ლექსიკონი, 1801-1952: ტ. II ე-ლ / იოსებ იმედაშვილი.-თბ.,2021.-გვ.347

• დიმიტრი თუმანიშვილის ლექსები (ავტორი). - თბილისი, ფედერაციას გამ-ბა და სტ., 1938. - 110გვ.