ირინე თუმანიშვილი

დაბადების ადგილი: ქ. თბილისი.

დაამთავრა თბილისის სამხატვრო აკადემიის გრაფიკის ფაკულტეტი 1941 წელს.

მისი პედაგოგები იყვნენ: ი. შარლემანი, ვ. გრიგოლია, ვ. ქუთათელაძე, ს. ქობულაძე. 1941 წლიდან 25 წლის განმავლობაში მუშაობდა საქართველოს სახელმწიფო ხელოვნების მუზეუმში მხატვარ-რესტავრატორად და ასლების გადამღებად; მრავალი წლის განმავლობაში ხელმძღვანელობდა მხატვართა კავშირის აკვარელისტთა სექციას; მონაწილეობდა რესპუბლიკურ და საკავშირო გამოფენებში; მისი ნამუშევრები ინახება საზღვარგარეთ (აშშ, მექსიკა, ჰოლანდია, ისრაელი და სხვა) კერძო კოლექციებში; XX ს. II ნახევრის ჟურნალ-გაზეთებში ხშირად ქვეყნდებოდა მისი მრავალი პუბლიკაცია მხატვრების შემოქმედებაზე; მხატვარი ძირითადად პეიზაჟებსა და ნატიურმორტებს ხატავდა; მუშაობდა აკვარელის ტექნიკით, ტუშით, კალმითა და ფლომასტერით. შესრულებული აქვს ასევე ორ ათეულამდე ექსლიბრისი. 1977 წელს გამოსცა ბუკლეტი "Exlibris" (თბ., 1977).

წყარო: საქართველო: ენციკლოპედია: ტ. IV. -თბ., 2018. -გვ.122-123

• საქართველოს მხატვართა კავშირი, წევრი (1950-)

• საქართველოს დამსახურებული მხატვარი

• ქართული ექსლიბრისი (თანაავტორი). - თბილისი, ხელოვნება, 1979. - 102გვ.