ტარიელ ბერიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1972 წელს.

1972-1974წწ. მუშაობდა თბილისის სახელმწიფო უნივერსიტეტის მოსამზადებელ კურსებზე მასწავლებლად და მეთოდისტად. 1974-1991წწ. - ვახუშტი ბაგრატიონის სახელობის გეოგრაფიის ინსტიტუტში მეოთხეული გეოლოგიისა და პალეოგეოგრაფიის განყოფილებაში - ლაბორანტის, ინჟინრის, უმცროსი მეცნიერ თანამშრომლის თანამდებობებზე, 1991 წლიდან - საქართველოს ბუნების დაცვის საზოგადოების რესპუბლიკური საბჭოს პრეზიდიუმის ცენტრალურ აპარატში საორგანიზაციო განყოფილების უფროსის თანამდებობაზე; 1991-2000წწ. საქართველოს ურბანიზაციისა და მშენებლობის სამინისტროში რაციონალური ბუნებათსარგებლობისა და ეკოლოგიური უსაფრთხოების განყოფილების უფროსად, ეკოლოგიური უსაფრთხოებისა და მიწათმოწყობის სამმართველოს უფროსად, ტერიტორიულ-სივრცითი ორგანიზაციის, ქალაქმშენებლობის და არქიტექტურის დეპარტამენტის თავმჯდომარის მოადგილედ; 2000 წლიდან - სამეცნიერო-საწარმოო ცენტრის - "საქნაპირდაცვის" დირექტორად; შემდგომში - გარემოს ეროვნული სააგენტოს ჰიდრომეტეოროლოგიის დეპარტამენტის უფროსის მოადგილედ. გამოქვეყნებული აქვს სამეცნიერო ნაშრომები მეოთხეულ გეოლოგიასა და პალეოგეოგრაფიაში, აგრეთვე ლექციების კურსი სტუდენტებისათვის ბუნებათსარგებლობასა და ეკოლოგიაში, კონცეფცია საქართველოს ტერიტორიული მოწყობის შესახებ. 

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.42

• საქართველოს გეოგრაფიული საზოგადოება, სამეცნიერო საბჭოს წევრი

• ბუნებრივი რესურსების რაციონალური გამოყენება და გარემოს დაცვა (Co-Author). - თბილისი, თბილ. უნ-ტის გამ-ბა, 1988. - 86გვ.