ციალა ბექურაიძე

დაბადების ადგილი: სოფელი ქვემო ალვანი, ახმეტის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი კარტოგრაფიის სპეციალობით 1966 წელს.

სწავლის დასრულების შემდეგ დატოვებულ იქნა სამუშაოდ ჰიდროლოგია-მეტეოროლგია და ნიადაგმცოდნეობის კათედრაზე. 1975 წლიდან გადავიდა კარტოგრაფია-გეოდეზიის კათედრაზე. 1975-1979წწ. ასპირანტურის კურსი გაიარა საქართველოს მეცნიერებათა აკადემიის ვახუშტი ბაგრატიონის სახელობის გეოგრაფიის ინსტიტუტში კარტოგრაფიის სპეციალობით. მისი საკვალიფიკაციო თემაა - "მასშტაბი როგორც გნოსეოლოგიური კატეგორია", რომლის შესახებ გამოქვეყნებული აქვს 8 სამეცნიერო ნაშრომი. გარდა ამისა, არის რამდენიმე კოლექტიური ნაშრომის ავტორი. მუშაობს საქართველოს რეგიონების რუკათა სერიის გამოცემაზე. დაიბეჭდა სამეგრელოს, კახეთის, თუშეთის, გორის რაიონის ზოგადგეოგრაფიული რუკები. კითხულობს ლექციებს ტოპოგრაფიაში, რუკების ხაზვასა და გაფორმებაში, კარტოგრაფიულ გრაფიკასა და სხვ. კარტოგრაფი, უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.45