ნანა ბლიაძე

დაბადების ადგილი: ქ. ქუთაისი.

დაამთავრა ქუთაისის აკაკი წერეთლის სახელობის სახელმწიფო უნივერსიტეტის საბუნებისმეტყველო-გეოგრაფიის ფაკულტეტი გეოგრაფია-ბიოლოგიის სპეციალობით.

1994-1997წწ. ასპირანტურის კურსი გაიარა თბილისის სახელმწიფო უნივერსიტეტის ფიზიკური გეოგრაფიის კათედრაზე. 1994-1998წწ. ქუთისის ნ. მუსხელიშვილის სახელობის სახელმწიფო ტექნიკურ უნივერსიტეტის საქართველოს ისტორიისა და გეოგრაფიის კათედრის ასისტენტი; 1998-2003წწ. ამავე კათედრის უფროსი მასწავლებელი; 2003 წელს დაიცვა საკანდიდატო დისერტაცია, რომელშიც განხილულია ზემო იმერეთისა და ლეჩხუმის მდინარეთა აუზები, ლანდშაფტები, გამოყოფილია ტიპოლოგიური და ტაქსონომიური ერთეულები, ასევე, მოცემულია ბუნებრივ-ანთროპოგენური ლანდშაფტების შედარებითი ანალიზი, შედგენილია მსხვილმასშტაბიანი (1:100000) ლადშაფტური რუკები. 2003-2006წწ. ამავე უნივერსიტეტის საქართველოს ისტორიისა და გეოგრაფიის კათედრის დოცენტი; 2005 წლიდან აკ. წერეთლის სახელობის სახელმწიფო უნივერსიტეტის გეოგრაფიის დეპარტამენტის ასოცირებული პროფესორი. გამოქვეყნებულია აქვს 17 სამეცნიერო პუბლიკაცია.

საკანდიდატო დისერტაციის თემა - "ზემო იმერეთისა და ლეჩხუმის ბუნებრივ-ანთროპოგენური ლანდშაფტების დიფერენციაცია და ანალიზი", დაიცვა 2003 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.47; ქუთაისის აკაკი წერეთლის სახელობის სახელმწიფო უნივერსიტეტი: atsu.edu.ge

• გეოგრაფია გლობალურ კონტექსტში: მიღწევები და გამოწვევები : შრომათა კრებული (თანაავტორი). - ქუთაისი, აკაკი წერეთლის სახელმწ. უნ-ტის გამ-ბა, 2017. - 490გვ. . - ISBN: 9789941904325
• მღვიმეთმცოდნეობის საფუძვლები : სალექციო კურსი (ავტორი). - ქუთაისი, აკაკი წერეთლის სახელმწ. უნ -ტის გამ-ბა, 2016. - 248გვ.. - ISBN: 9789941459771
• ლეჩხუმის ბუნებრივ-ანთროპოგენური ლანდშაფტების დიფერენციაცია : სახელმძღვ. სტუდ. (ავტორი). - ქუთაისი, [აკ. წერეთლის სახელმწ. უნ-ტის გამ-ბა, 2009. - 136გვ.. - ISBN: 9789941408076
• ზემო იმერეთის ბუნებრივ-ანთროპოგენური ლანდშაფტების დიფერენციაცია (ავტორი). - თბილისი, 2008. - 160გვ. . - ISBN: 9789941004247