ნანა ბოლაშვილი

დაბადების ადგილი: ქ. ბორჯომი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ხმელეთის ჰიდროლოგიის სპეციალობით 1989 წელს; ილია ჭავჭავაძის სახელობის თბილისის უცხო ენათა ინსტიტუტის მეორადი ფაკულტეტი  ინგლისური ენის სპეციალობით, მიენიჭა ინგლისური ენის ფილოლოგის კვალიფიკაცია 1987 წელს. 1992-1996წწ. სწავლობდა ასპირანტურაში სპეციალობით ხმელეთის ჰიდროლოგია, წყლის რესურსები და ჰიდროქიმია.

1989 წლიდან მუშაობა დაიწყო ვახუშტი ბაგრატიონის სახელობის გეოგრაფიის ინსტიტუტში ჯერ ლაბორანტად, 1992 წლიდან უმცროს მეცნიერ თანამშრომლად; 2006-2007წწ. დირექტორის მოადგილედ; 2007 წლიდან დირექტორად; 2018 წლიდან იკავებს თბილისის სახელმწიფო უნივერსიტეტის ვახუშტი ბაგრატიონის სახელობის გეოგრაფიის ინსტიტუტის დირექტორის და მთავარი მეცნიერ-თანამშრომლის თანამდებობებს.   არის საქართველოს წარმომადგენელი გაეროს გაუდაბნოებასთან ბრძოლის კონვენციის მეცნიერებისა და ტექნიკის კომიტეტში. 2013 წელს იყო ამავე კონვენციის  მე-2 სამეცნიერო კონფერენციის სამეცნიერო კომიტეტის წევრი. არის კავკასიოლოგიის საერთაშორისო სამეცნიერო-კვლევითი საზოგადოებრივი ინსტიტუტის ჟურნალ "ამირანის” სარედაქციო-საგამომცემლო საბჭოს წევრი გეოგრაფია-გეოეკოლოგიის განხრით. მისი კვლევები მოიცავს წყალმოვარდნების პროგნოზირების, წყლის რესურსების შეფასებისა და მართვის, ასევე კარსტისა და კარსტული წყლების ფორმირების საკითხებს. მონაწილეობდა ადგილობრივ და საერთაშორისო გრანტებში, გამოქვეყნებული აქვს სტატიები ქართულ და უცხოურ ჟურნალებში. გეოგრაფიის დოქტორი, ვახუშტი ბაგრატიონის სახელობის გეოგრაფიის ინსტიტუტის დირექტორი. ინჟინერ-ჰიდროლოგი (1989). 

საკანდიდატო დისერტაციის თემა -"წყალმოვარდნების პროგნოზირება სახეთა ამოცნობის თეორიის საფუძველზე (საქართველოს მდინარეთა მაგალითზე)", დაიცვა 1999 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.48-49; თსუ მეცნიერება: tsu.ge; თბილისის სახელმწიფო უნივერსიტეტი: encyclopedia.tsu.ge

• საქართველოს ალ. ჯავახიშვილის სახელობის გეოგრაფიის საზოგადოება, პრეზიდენტი (2016-2024)
• საქართველოს ალ. ჯავახიშვილის სახელობის გეოგრაფიული საზოგადოება, ვიცე-პრეზიდენტი (2008-2016)
• საქართველოს ეროვნული მეცნიერებათა აკადემია, წევრ-კორესპონდენტი (2025-)

• 2023 - ვახუშტი ბაგრატიონის სახელობის პრემია

• ჭიათურის მუნიციპალიტეტის სასმელი წყლის მონიტორინგი=Chiatura municipality drinking water monitoring : მონოგრაფია (თანაავტორი). - თბილისი, უნივერსალი, 2017. - 144გვ. . - ISBN: 9789941260421
• საქართველოს კარსტული მღვიმეები=The karst caves of Georgia : მოკლე ცნობარი (თანაავტორი). - თბილისი, თბილ. უნ-ტის გამ-ბა, 2013. - 158გვ. . - ISBN: 978-9941-13-297-1
• მყინვარების მონიტორინგი კლიმატის ცვლილების ფონზე : მყინვარების ზოფხიტოსა და ჭალაათის მაგალითზე: მონოგრაფია (თანაავტორი). - თბილისი, უნივერსალი, 2012. - 176გვ.. - ISBN: 978-9941-17-533-6
• საქართველოს გეოგრაფიული სახელების ორთოგრაფიული ლექსიკონი (თანაავტორი). - თბილისი, ქართული ენციკლოპედიის ი. აბაშიძის სახ. მთ. სამეცნ. რედაქცია, 2009. - 236გვ. . - ISBN: 978-99928-20-38-4