ალექსანდრე ვარძელაშვილი

დაბადების ადსგილი: ქ. გორი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი 1971 წელს. 

1973 წლიდან გორის ხელსაწყოთმშენებელი ქარხნის უფროსი ინჟინერი, საიარაღო საამქროს უფროსი, ტექნიკური ბიუროს, ტექნიკური განყოფილების უფროსი, შრომისა და ხელფასის განყოფილების უფროსის მოადგილე, მთავარი ტექნოლოგის მოადგილე; 1983-1986 წლებში სასწავლო-საწარმოო გაერთიანება "იორის" გორის ფილიალის მთავარი ინჟინერი, საწარმოო გაერთიანება "დილას" საიარაღო წარმოების უფროსის მოადგილე; 1990-1991წწ. საქართველოს  რესპუბლიკის პირველი მოწვევის უზენაესი საბჭოს წევრი, საარჩევნო ბლოკი "მრგვალი მაგიდა-თავისუფალი საქართველო", მაჟორიტარი, ზნაურის N124 საარჩევნო ოლქი, მერაბ კოსტავას საზოგადოება.

წყარო საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ.-2015.-გვ.158

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს იურიდიული კომისია, თავმჯდომარის მოადგილე (1990-1991)
• საქართველოს რესპუბლიკის პირველი მოწვევის უზენაესი საბჭოს თავდაცვის კომისია, თავჯდომარე (1990-1991)