კლიმენტი გოგიავა

დაბადების ადგილი: სოფელი ნაესაკოვო, აბაშის რაიონი.

დაამთავრა ფოთის საშუალო სასწავლებელი 1929 წელს. სწავლობდა თბილისის სახელმწიფო უნივერსიტეტის ფილოლოგიის ფაკულტეტზე.

მუშაობდა " საქკინმრეწვში" რეჟისორის თანაშემწედ მხატვრულ ნაწილში, რკინიგზის "სემაფორის" რედაქტორად, მოსკოვის გაზეთ "საქკინმრეწვის" რედაქტორად, 1935-1939წწ. იყო გაზეთ "კომუნისტისა" და "ბოლშევიკის" თანამშრომელი. წერდა ლექსებს, მოთხრობებს, მხატვრულ ნარკვევებს მეთევზეთა, სამამულო ომის გმირების, მთამსვლელთა და სხვ. ცხოვრებიდან, აგრეთვე ლიტერატურის თეორიისა და კრიტიკის საკითხების შესახებ წერილებს (1934 წლიდან იბეჭდებოდა "მნათობში", "ბოლშევიკში", "კომუნისტში", "ლიტერატურა და ხელოვნებასა" და სხვ.). ავტორია პიესისა "რა აცხოვრებს ადამიანს?", რომელშიც ნაჩვენებია სამგორის სარწყავი სისტემის მშენებლობა, ახალი ოჯახის განმტკიცებისათვის ბრძოლა, ახალგაზრდების შრომა (პიესა დაიდგა ჭიათურის თეატრში 1948 წლის დასაწყისში) და სცენარისა "ფერმა იორის ნაპირებზე" (მეცხოველეების ცხოვრებიდან).

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.629; მწერალთა ავტობიოგრაფიები. წ. 2/გიორგი ლეონიძის სახ. ქართ. ლიტ. მუზეუმი. -თბ., 2013. -გვ.420-424

• საქართველოს საბჭოთა მწერლების კავშირი, წევრი (1943-)

• გმირები : ნარკვევი (ავტორი). - თბილისი, საბლიტგამი, 1949. - 44გვ.
• არმაზის დილა (ავტორი). - თბილისი, საბლიტგამი, 1948. - 176გვ.
• მთასვლელები : მოთხრობა (ავტორი). - თბილისი, გამ-ბა კომუნისტი, 1945. - 26გვ.
• ჩემი ქალაქის ადამიანები : მოთხრობები (ავტორი). - თბილისი, საბლიტგამი, 1945. - 137გვ.