თინათინ გაბრიჩიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ინჟინერ-ჰიდროლოგის სპეციალობით 1958 წელს.

1958 წლიდან მუშაობა დაიწყო ვახუშტი ბაგრატიონის სახელობის გეოგრაფიის ინსტიტუტში ჰიდროლოგია-კლიმატოლოგიის განყოფილებაში ლაბორანტად; 1961-1964წწ. ამავე ინსტიტუტში ასპირანტურის კურსი გაიარა პროფ. ლ. ვლადიმიროვის ხელმღვანელობით; 1964-1969წწ. ინსტიტუტის უმცროსი მეცნიერი თანამშრომელია; 1969-1975წწ. უფროსი მეცნიერი თანამშრომელი, ხოლო 1975-1979წწ. ინსტიტუტის სწავლული მდივანი. 1981 წლიდან მუშაობდა მეცნიერების და ტექნოლოგიების დეპარტამენტის სამეცნიერო-ტექნიკური თარგმნის ცენტრის მთავარ სამეცნიერო რედაქტორად, ხოლო 1985 წლიდან ამავე ცენტრის განყოფილების გამგე იყო. გამოქვეყნებული აქვს 24 სამეცნიერო ნაშრომი. შედგეილი აქვს მდინარეების მიწისქვეშა ჩამონადენის რუკა, რომელიც 1968 წელს დაიბეჭდა თანაავტორობით "სსრკ ჰიდროლოგიურ ატლასში". გეოგრაფიულ მეცნიერებათა კანდიდატი.

საკანდიდატო დისერტაციის თემა - "სამხრეთ საქართველოს მთიანეთის მდინარეების კვება და ჩამონადენი", დაიცვა 1966 წელს (ბაქო, გეოგრაფიის ინსტიტუტი).

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.52

• Водный баланс Грузии (თანაავტორი). - Тбилиси , "Мецниереба", 1974. - 182с.