თეიმურაზ თურმანიძე

დაბადების ადგილი: ქ. ქუთაისი.

დაამთავრა თბილისის სამხატვრო აკადემია 1971 წელს.

1975 წლიდან პედაგოგიურ მოღვაწეობას ეწეოდა თბილისის სამხატვრო აკადემიასა  და 1978 წლიდან ს.-ს. ორბელიანის სახელობის პედაგოგიურ ინსტიტუტში; სამხატვრო გამოფენებში მონაწილეობდა 1971 წლიდან; მის მიერ შექმნილი ფერწერული ტილოები, გრაფიკული ნამუშევრები, თეატრალურ-დეკორატიული ხელოვნების ნიმუშები სტილისტურ მრავალფეროვნებასთან ერთად მხატვრული ამოცანების, ჩანაფიქრის თავისებურებებისა და შესაბამისი სახვითი ხერხების მრავალწახნაგოვნებით გამოირჩევა: "შავი პირამიდა" (1973, კერძო კუთვნილება, შვეიცარია), "თეთრი ბორბალი" (1981, კერძო კუთვნილება, ნიუ-იორკი), "ბრმები" (1983, კერძო კუთვნილება, თბილისი), მონუმენტური პანოები "დედა ენა" (1985) და "სულხანსაბა ორბელიანი" (1997) (ორივე ყოფილი ს.-ს. ორბელიანის სახელობის პედაგოგიურ უნივერსიტეტი, თბილისი), სივრცობრივი კომპოზიცია მეტალში "თავისუფლება" (1991-1993, გერმანია, ფრანკფურტი), სივრცობრივი, რელიეფური კომპოზიცია და კედლის მხატვრობა "ივერია – კერპთა მხარე" (1986, კერძო კუთვნილება, ბელგია, ლიეჟი); მისი ნამუშევრები ექსპონირებული იყო აშშ-ში, ესპანეთში, კანადაში, საფრანგეთში, ინგლისსა და სხვ. ქვეყნებში მოწყობილ გამოფენებზე; პროფესორი – 1989 წლიდან.

წყარო: საქართველო: ენციკლოპედია: ტ. IV. -თბ., 2018. -გვ.128

• 2003 - ღირსების ორდენი
• 1995 - იაკობ გოგებაშვილის სახელობის პრემია
• 1991 - საქართველოს სახელმწიფო პრემია
• 1985 - საქართველოს სახელმწიფო პრემია
• 1985 - საქართველოს ხელოვნების დამსახურებული მოღვაწე