ვალენტინა გაგუა

დაბადების ადგილი: ქ. ლენინგრადი.

დაამთავრა ლენინგრადის სახელმწიფო უნივერსიტეტის გეოგრაფიის ფაკულტეტი მეტეოროლოგია-კლიმატოლოგიის სპეციალობით 1962 წელს.

1963-1967წწ. იყო ლენინგრადის მთავარი გეოფიზიკური ობსერვატორიის ასპირანტი. 1967 წლიდან მუშაობდა ამიერკავკასიის ჰიდრომეტეოროლოგიის ინსტიტუტში ჯერ უმცროს, ხოლო 1972-1987წწ. უფროს მეცნიერ თანამშრომლად. 1987 წლიდან საწარმოო ძალებისა და ბუნებრივი რესურსების შემსწავლელი კომისიის ენერგეტიკული რესურსების გამოყენების უფროსი მეცნიერი თანამშრომელი იყო. გამოქვეყნებული აქვს 40-ზე მეტი სამეცნიერო ნაშრომი. მისი სამეცნიერო ინტერესების სფეროს შეადგენდა რადიაციული ბალანსის და მისი მდგენელების ცვალებადობა სხვადასხვა კლიმატურ ზონაში როგორც სეზონურ, ისე ყოველთვიურ და ყოველდღიურ ინტერვალში; ატმოსფეროს სპექტრალური გამჭვირვალობა, რადიაციული ბალანსის ენერგეტიკული სპექტრი, ამიერკავკასიის ჰელიოენერგეტიკული რესურსები და სხვ. გეოგრაფიულ მეცნიერებათა კანდიდატი.

საკანდიდატო დისერტაციის თემა - "დედამიწის სხვადასხვა კლიმატურ ზონაში რადიაციული ბალანსის დღეღამური სვლის თავისებურება", დაიცვა 1969 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.57