გიორგი თუშმალიშვილი

დაბადების ადგილი: ქ. თბილისი.

დაამთავრა საქართველოს სასოფლო სამეურნეო ინსტიტუტი 1933 წელს.

მუშაობა დაიწყო ყულარის (მარნეული) ღვინის ქარხანაში. მიწვეული იყო მასანდრის ღვინის ქარხანაში (ყირიმი) მთავარ სპეციალისტად; საქართველოში დაბრუნების შემდეგ სხვადასხვა დროს იყო თბილისის შამპანური ღვინოების ქარხნის დირექტორი; "სამტრესტის" მმართველი; საგარეჯოს საექსპორტო ღვინოების ქარხნის დირექტორი; მებაღეობა-მეღვინეობის სამეცნიერო კვლევით ინსტიტუტში ხელმძღვანელობდა მეღვინეობის განყოფილებას; წლების განმავლობაში იყო "სამტრესტის" მთავარი მრჩეველ-კონსულტანტი; იყო სსრკ მეღვინეობის ცენტრალური სადეგუსტაციო ჟიურის წევრი; მრავალჯერ იყო მიწვეული საერთაშორისო დეგუსტაციებსა და კონკურსებზე ჟიურის წევრად; ის უშუალოდ ხელმძღვანელობდა საქართველოში ახალი ღვინის ქარხნების მშენებლობას; მონაწილეობდა ახალი სამარკო ღვინოებისა და კონიაკების ნაირსახეობების შექმნაში. მიღებული აქვს სახელმწიფო ჯილდოები. მეღვინე.

წყარო: საქართველო: ენციკლოპედია: ტ. IV. -თბ., 2018. -გვ.141