ვასილ გოგოლაძე

დაბადების ადგილი: სოფელი შუაამაღლება (შუაგანახლება), ჩოხატაურის რაიონი.

დაამთავრა თბილისის სასოფლო-სამეურნეო ინსტიტუტი და საკავშირო იურიდიული ინსტიტუტის თბილისის ფილიალი.

1938-1939წწ. რედაქტორობდა გაზეთ "საბჭოთა მასწავლებელს". 1940 წლიდან დაინიშნა წიგნის პალატის დირექტორად, სადაც თავი მოუყარა, აღწერა და აღნუსხა ქართულ ენაზე უძველესი დროიდან გამოცემული ნაწარმოებები-წიგნები, ჟურნალები, გაზეთები და სხვ. 1940 წლიდან რედაქტორობდა საქართველოს წიგნის პალატის გამოცემებს: "წიგნის მატიანეს", "გაზეთის სტატიების მატიანეს", "ჟურნალის სტატიების მატიანეს" და "ბიბლიოგრაფიის მოამბეს". მისი თაოსნობითა და მონაწილეობით გამოიცა მონუმენტური ნაშრომი "ქართული წიგნი: ბიბლიოგრაფია, ტ. I: 1629-1920" (თბ., 1941). მისი რედაქტორობით გამოიცა ბიბლიოგრაფიული საძიებელი "ქართველი მეომრები საბჭოთა ხალხის დიდ სამამულო ომში" (1945, 1946წწ.). ჟურნალ-გაზეთებში აქვეყნებდა წერილებს და ფელეტონებს. აგრონომი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.647

• ქართული წიგნის ბეჭდვის ისტორიიდან (ავტორი). - თბილისი, ცოდნა, 1962. - 82გვ.
• საქართველოს სსრ სახელმწიფო წიგნის პალატა (ავტორი). - თბილისი, საქ. სსრ სახელმწ. წიგნის პალატის გამოც., 1960
• მუსიკალურ ნაწარმოებთა ბიბლიოგრაფია, 1957-1958 წ.წ. = Библиография музыкальных произведений, 1957-1958 гг. (ავტორი). - თბილისი, საქ. სსრ სახელმწ. წიგნის პალატის გამოც., 1959. - 36გვ.
• ქართული წიგნი = Грузинская книга = Das Georgische Buch (რედაქტორი) // ტ. 2 : 1921-1945. ნაკვ. 3. საძიებლები . - თბილისი, საქ. სსრ სახელმწ. წიგნის პალატის გამოც., 1954. - 162გვ.
• ქართული წიგნი = Грузинская книга = Das Georgische Buch (რედაქტორი) // ტ. 2 : 1921-1945. ნაკვ. 2. - თბილისი, საქ. სსრ სახელმწ. წიგნის პალატის გამოც., 1951. - 815გვ.
• ქართული წიგნი = Грузинская книга = Das Georgische Buch (რედაქტორი) // ტ. 2 : 1921-1945. ნაკვ. 1 . - თბილისი, საქ. სსრ სახელმწ. წიგნის პალატის გამოც., 1950. - 816გვ.
• ბიბლიოგრაფიის მორიგი ამოცანები (ავტორი). - თბილისი, საქ. სსრ სახელმწ. წიგნის პალატის გამოც., 1948. - 17გვ.