ელისაბედ გარსევანიშვილი

დაბადების ადგილი: ქ. გორი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1942 წელს.

1943-1947წწ. მუშაობდა საშუალო სკოლებში გეოგრაფიის მასწავლებლად; 1947 წლიდან - მასწავლებელთა დახელოვნების ინსტიტუტში; 1952-1955წწ. გაიარა ასპირანტურის კურსი; 1956 წელს დაინიშნა მასწავლებელთა დახელოვნების ინსტიტუტის გეოგრაფიის მეთოდკაბინეტის გამგედ; 1960-1964წწ. ლექციებს კითხულობდა თბილსიის პუშკინის სახელობის სახელმწიფო პედაგოგიურ ინსტიტუტში; 1964-1969წწ. გორის ნიკოლოზ ბარათაშვილის სახელობის სახელმწიფო პედაგოგიურ ინსტიტუტში; 1969-1993წწ. თბილისის სახელმწიფო უნივერსიტეტის დოცენტი იყო.  გამოქვეყნებული აქვს 150-ზე მეტი სამეცნიერო და მეთოდური ნაშრომი. განსაკუთრებით აღსანიშნავია მონოგრაფია "გეოგრაფიის სწავლების მეთოდიკა", რომელშიც გაშუქებულია გეოგრაფიის სწავლების კერძო და ზოგადი მეთოდიკის საკითხები. იგი გამიზნულია უმაღლესი სასწავლებლების გეოგრაფიის სპეციალობის სტუდენტებისა და საშუალო სკოლის გეოგრაფიის მასწავლებლებისათვის. დიდი პოპულარობით სარგებლობს მის მიერ შედგენილი "ფიზიკური გეოგრაფიის საცნობარო ლექსიკონი" (1964, 1976). მიღებული აქვს "სახალხო განათლების წარჩინებულის" სამკერდე ნიშანი (1960). პედაგოგიურ მეცნიერებათა კანდიდატი, დოცენტი.

სადანდიდატო დისერტაციის თემა - "რელიეფის სწავლება საშუალო სკოლაში", დაიცვა 1962 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.59-60

• 1985 - უმაღლესი სკოლის დამსახურებული მუშაკი
• იაკობ გოგებაშვილის სახელობის პრემია
  ფიზიკური გეოგრაფიის საცნობარო ლექსიკონი / შედგ. ელ. გარსევანიშვილის მიერ. - თბილისი : ცოდნა, 1963. - 176გვ.

• გეოგრაფიის სწავლების მეთოდიკა (ავტორი). - თბილისი, თბილ. უნ-ტის გამ-ბა, 1985. - 294გვ.
• კლასგარეშე და სკოლისგარეშე მუშაობა გეოგრაფიაში : მხარეთმცოდნეობითი მუშაობისათვის საჭირო მასალა ინდოეთისა და ბირმის მაგალითზე (ავტორი). - თბილისი, განათლება, 1983. - 36გვ.
• ფიზიკური გეოგრაფიის საცნობარო ლექსიკონი (შემდგენელი). - თბილისი, ცოდნა, 1963. - 176გვ.
• ბუნების გარდაქმნის გეგმის გაცნობა გეოგრაფიის გაკვეთილებზე (ავტორი). - თბილისი, საქ. სსრ მასწავლებელთა დახელოვნების ინ-ტი. გეოგრაფიის კაბინეტი., 1949. - 19გვ.