სოზარ იაკობაშვილი

დაბადების ადგილი: ქ. კიევი.

დაამთავრა საქართველოს პოლიტექნიკური ინსტიტუტის მეტალურგიული ფაკულტეტი 1956 წელს.

1958-1965წწ. მუ­შა­ობ­და რუსთავის მეტალურგიულ ქარხანაში მეფოლადედ; 1965-1969წწ. უკრაინის ე. პატონის სახელობის ელექტროშედუღების ინსტიტუტში იყო შედუღების ლაბორატორიის გამგე; 1969-1973წწ. სა­ქართველოს მეტალურგიის ინსტიტუტტში ხელმძღვანელობდა ამავე დასახელების ლაბორატორიას; იყო საერთაშორისო ასოციაცია "შედუღების" ერთ-ერთი დამაარსებელი; საქართველოს პოლიტექნიკური ინსტიტუტში ჩამოაყალიბა შედუღების მეტალურ­გიის კათედრა და მასთან სამეცნიერო-კვლევითი ლაბორატორია; 1989-1993წწ. შედუღების მეტალურგიისა და ტექნოლოგიის კა­თედ­რის გამგე; დააარსა სა­ქარ­თვე­ლო-უკრაინის საერთაშორისო სამეცნიერო-ტექიკის ცენტრი შედუღებასა და მონათესავე ტექნოლოგიებში გადამზადებისათვის; მისი შრომები ეძღვნება საშემდუღებლო ტექნოლოგიების ყვე­ლა მიმართულებას. მისმა გამოგონებამ (ფოლადის დამუშავების ახალი ტექნოლოგია და ღუმლის კონსტრუქცია) ლაიფციგის საერთაშორისო ბაზრობაზე (1975) დიდი ოქროს მედალი დაიმსახურა; მისი ხელმძღვანელობით შეიქმნა ახალი თაობის "ცს" სერიის ციკლოკონვერტორული საშემდუღებლო კვების წყარო­ე­ბი; კვების წყა­როს ცს–200-ის დამუშავებისა და დანერგვისათვის (ლიცენზია გაიყიდა გერმანიაში), იყო საერთაშორისო სამეცნიერო ტექნიკის ჟურნალ "მეტალურგიის, შედუღებისა და მასალათმცოდნეობის პრობლემების" მთავარი რედაქტო­რი; გამოქვეყნებული აქვს მრავა­ლი სამეცნიერო შრომა, ­მონოგრაფია, სა­ხელმ­ძღვა­ნე­ლო. მიღებული აქვს სა­ხელმწიფო ჯილდოები; მეტალურგი, ტექიკის მეცნიერებათა დოქტორი (1975), პროფესორი (1978), გამომგონებელი (1983).

წყარო: საქართველო: ენციკლოპედია: ტ. IV. -თბ., 2018. -გვ.159; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.111

• სა­ქართველოს საინჟინრო აკადემიის და ეკოლოგიის, ადამიანისა და ბუნების დაცვის საერთაშორისო აკადემია, ნამდვილი წევრი (2000-)

• 1997 - ღირსების ორდენი
• 1975 - სა­ქართველოს სა­ხელმწიფო პრემია

• შედუღებისა და რჩილვის პროცესების თეორია : სახელმძღვანელო (თანაავტორი). - თბილისი, შპს "თობალისი", 2005. - 389გვ.
• ლითონების დნობით ელექტრორკალური შედუღების ტექნოლოგია : სახელმძღვ. უმაღლ. და საშ. ტექნ. სასწ. შედუღების სპეც. სტუდ. (თანაავტორი). - თბილისი, საქ. რესპ. შემდუღებელთა ასოციაცია, 2003. - 203გვ.
• ლითონების დნობით ელექტრორკალური შედუღების ტექნოლოგია : სახელმძღ. უმაღ. და საშ. ტექნ. სასწ. შედუღების სპეც. სტუდ. (თანაავტორი). - თბილისი, საქ. რესპ. შემდუღებელთა ასოციაცია, 1996. - 203გვ.
• მეტალურგია : სახელმძღვანელო პოლიტექნიკური ინსტიტუტის მეტალურგიის სპეციალობის სტუდენტებისათვის (ავტორი). - თბილისი, განათლება, 1987. - 378 გვ.
• შედუღების პროცესების თეორია : სახელმძღვ. პოლიტექნ. ინ-ტის სტუდენტებისათვის (ავტორი). - თბილისი, განათლება, 1979. - 351გვ.