თეოფილე გოგიბერიძე

დაბადების ადგილი: სოფელი ბასილეთი, ოზურგეთის რაიონი.

1902 წელს, ბათუმში ი.ბ. სტალინის ხელმძღვანელობით მოწყობილი დემონსტრაციის დროს, მუშების სახელით შეხვდა და ელაპარაკა გუბერნატორს, დემონსტრანტებს მოუწოდებდა ძალადობისკენ, ამის გამო დაიჭირეს და ციხეში იხდიდა სასჯელს. მისი უახლოესი მეგობარი და თანამებრძოლი იყო მიხა ბეროს ძე ხირიმიანი (ცნობილი მოჭიდავის, კულა გლდანელის ძმა, ერთ დროს თვითონაც ცნობილი მოჭიდავე). თეოფილე გოგიბერიძის მოგონება დაბეჭდილია წიგნში "ბათუმის დემონსტრაცია 1902 წელს" (თბ., 1939, გვ. 86-90). რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.633

• ქართველთა შორის წერა-კითხვის გამავრცელებელი საზოგადოების ტუაფსეს განყოფილება, ნამდვილი წევრი (1914-)
• ქართველთა შორის წერა-კითხვის გამავრცელებელი საზოგადოების ტუაფსეს განყოფილების გამგეობა, წევრი (1916-)

• ბათუმის დემონსტრაცია 1902 წელს (თანაავტორი) // გვ.86-90. - თბილისი, სახელგამი, პოლიტლიტერატურის სექტორი, 1939. - 237გვ.