იარომირ იედლიჩკა

დაბადების ადგილი: ქ. პრაღა, ჩეხეთი.

დაამთავრა პრაღის უნივერსიტეტის ინგლისური და სლავური ფილოლოგიის განყოფილება.

1946-1948წწ. ასწავლიდა ქართულ ენას თავდაპირველად პრაღის აღმოსავლეთმცოდნეობის ინსტიტუტში, 1953-1961წწ. პრაღის უნივერსიტეტში; ჩეხურ ენაზე თარგმნა "ვეფხისტყაოსანი" (1958 გამოაქვეყნა პოემის პროზაული, ხოლო შემდეგ პოეტური თარგმანი), ს.-ს. ორბელიანის, დ. გურამიშვილის, დ. ჭონქაძის, ი. ჭავჭავაძის, ა. წერეთლის, ლ. ქიაჩელის, გ. ლეონიძის თხზულებანი, ქართული ხალხური ზღაპრები და სხვა; იკვლევდა ძველ და თანამედროვე ქართულ ენას; გამოქვეყნებული აქვს წერილები ქართული ენის მორფოლოგიის საკითხებზე ("ძველი ქართული ენის სტრუქტურა", 1961; "სიტყვაწარმოება და ბრუნება ძველ ქართულში", 1963 და სხვ.); ავტორია მრავალი წერილისა ქართვ. ენათმეცნიერებათა ნაშრომებზე, ქართული ენის განმარტებით ლექსიკონზე, საქართველოში ძველი ქართული ენის, აგრეთვე აფხაზური ენის შესწავლის მდგომარეობის შესახე; აქვეყნებდა რეცენზიებს უცხოელი კავკასიოლოგების ნაშრომებზე; ჩეხი ენათმეცნიერი, ქართველოლოგი, კავკასიოლოგი; მისი შრომის - ჩეხური ენის სახელმძღვანელო ქართველთათვის, თბ., 1972 ელ. ვერსია - dspace.nplg.gov.ge.

წყარო: საქართველო: ენციკლოპედია: ტ. IV. -თბ., 2018. -გვ.198

• ჩეხური ენა : ჩეხური ენის სახელმძღვანელო ქართველთათვის (ავტორი). - თბილისი, თბილ. უნ-ტის გამ-ბა, 1972. - 526გვ.