დავით გორთამაშვილი

დაბადების ადგილი: სოფელი საგურამო (ყოფილი დუშეთის მაზრა), მცხეთის მუნიციპალიტეტი.

დაამთავრა წინამძღვრიანთკარის სასოფლო-სამეურნეო სასწავლებელი და ყირიმში ნიკიტას სასწავლებელი 1910 წელს.

1911 წლიდან მსახურობდა განჯაში ძმები გუმმელების მამულის გამგედ. 1911-1917წწ. იყო გორის მაზრაში ქართული სასოფლო-სამეურნეო საზოგადოების ინსტრუქტორი, 1918-1919წწ. გორის საოსტატო სემინარიის მასწავლებელი, 1923 წელს წინამძღვრიანთკარის სასოფლო-სამეურნეო სასწავლებელის გამგე, 1923-1925წწ. დუშეთის მაზრის განათლების განყოფილების გამგე და სხვ.. 1908 წლიდან დაგორის ფსევდონიმით ჟურნალ "მოსავალში" წერდა სასოფლო-სამეურნეო საკითხების შესახებ, ხოლო "ცნობის ფურცელში" აქვეყნებდა წერილებს საზოგადოებრივი მნიშვნელობის მოვლენებზე. აგრონომი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.702

• ბოსტნეულის მოსავლის მოვლა (ავტორი). - ტფილისი, ცეკავშირის სტ., 1931. - 32გვ.
• მებოსტნეობა : მოკლე პრაქტიკული სახელმძღვანელო გლეხთათვის (ავტორი). - ტფილისი, მეხბოსტანკავშირის გა-მა, (სახელგამის მე-2 სტ.), 1930. - 78გვ.
• მებაღეობა : მოკლე სახელმძღვანელო ხეხილთა გამრავლებისა და მოვლისა / შედგენილი სამეურნეო საგნების მასწავლების დ. გორთამაშვილის მიერ (შემდგენელი). - ქუთაისი, თ. მთავრიშვილის ამხანაგობის გამოცემა, 1919 (ქშწგ საზ-ბის ქუთაისის განყოფილების სტ.), 1919. - 116გვ.