ნუგზარ გოგინაშვილი

დაბადების ადგილი: სოფელი ხოვლე, კასპის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი საზღვარგარეთის ქვეყნების ეკონომიკური გეოგრაფიის სპეციალობით 1971 წელს.

განაწილებით დაიწყო მუშაობა "საქსოფლმშენსახპროექტში" ინჟინრის თანამდებობაზე. 1972-1975წწ. ასპირანტურის კურსი გაიარა თბილისის სახელმწიფო უნივერსიტეტში ეკონომიკური გეოგრაფიის სპეციალობით. 1975 წლიდან ეკონომიკური გეოგრაფიის კათედრაზე უფროსი ლაბორანტია; 1977-1978წწ. მივლინებით იმყოფებოდა ირანში ტრანსპორტის სამინისტროს მშენებლობის ხაზით; 1978-1980წწ. კვლავ თბილისის სახელმწიფო უნივერსიტეტის ეკონომიკური გეოგრაფიის კათედრაზეა; 1981-1983წწ. ისევ ირანშია მივლინებით იმავე ფუნქციით; 1983-1990წწ. თბილისის სახელმწიფო უნივერსიტეტის ეკონომიკური გეოგრაფიის კათედრის უფროსი ლაბორანტი; 1990-1994წწ. ასისტენტი, ხოლო 1994 წლიდან უფროსი მასწავლებელია. გამოქვეყნებული აქვს 17 სამეცნიერო ნაშრომი, რომლებიც შეეხება ახლო და შუა აღმოსავლეთი ქვეყნების, ძირითადად ირანის სოციალურ და ეკონომიკურ საკითხებს. შესრულებული აქვს მეთოდური ნაშრომი "სასწავლო-პრაქტიკის მეთოდიკა და პროგრამა ეკონომიკურ და სოციალურ გეოგრაფიაში (1997)". აქვს თარგმილი სახელმძღვანელო თანაავტორობით. მიღებული აქვს საელჩოს სიგელი ირანში ყოფნის დროს (1983). უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.83