სერგო გოგმაჩაძე

დაბადების ადგილი: ქ. ოზურგეთი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეომორფოლოგიის სპეციალობით 1972 წელს; საქართველოს მეცნიერებათა აკადემიის სამშენებლო მექანიკისა და სეისმომედეგობის ინსტიტუტის დაუსწრებელი სწავლების ასპირანტურა 1981 წელს.

1972-2010წწ. (ორგანიზაციის ლიკვიდაციამდე) – საქართველოს მეცნიერებათა აკადემიის, შემდგომ საქართველოს განათლებისა და მეცნიერების სამინისტროს კ. ზავრიევის სახელობის საკვლევ-სამეცნიერო ინსტიტუტის უფროსი ლაბორანტი, ინჟინერი, უმცროსი მეცნიერ თანამშრომელი, მეცნიერ თანამშრომელი, უფროსი მეცნიერ თანამშრომელი, საგანგებო სიტუაციებისა და სამოქალაქო თავდაცვის შტაბის უფროსი, მთავარი მეცნიერ-მუშაკი, საინჟინრო სეისმოლოგიისა და გეოტექნიკური კვლევების ლაბორატორიის გამგე; 1994-2012წწ. – უნივერსიტეტი "აღმაშენებელი"-ს, "ლეგია და კომპანია" და საქართველოს ავტოსაგზაო ინსტიტუტების დოცენტი, პროფესორი; 1998 წლიდან საინჟინრო გეოლოგიური და გეოფიზიკური კვლევების საწარმოს "ესგ"-ს ტექნიკური დირექტორი; 2012 წლიდან ქართულ-ამერიკული (GAU) უნივერსიტეტის პროფესორი; 2012-2014წწ. საინჟინრო გეოლოგიური და გეოფიზიკური კვლევების საწარმოს შ.პ.ს "ქილუქი"-ს დირექტორი; 2014-2015წწ. – ქ.თბილისის მერიის მუნიციპალიტეტის დიდუბის რაიონის გამგეობის, ინფრასტრუქტურის განვითარების განყოფილების უფროსი; 2015 წელს – ქ. თბილისის მერიის, მუნიციპალიტეტის ა(ა)იპ-ის მთავარი სპეციალისტი; 2012-2013წწ. თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის ექსპერტი; 2017 წლიდან თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის უფროს მეცნიერ-თანამშრომელი. 186 სამეცნიერო ნაშრომი, მათ შორის 83 საკვლევ-სამეცნიერო ანგარიშის (გრანტების ჩათვლით) და 9 მონოგრაფიის ავტორი ან თანაავტორი. გეოლოგიის დოქტორი, ექსპერტი.

სადოქტორო დისერტაციის თემა - "საინჟინრო გეოლოგიური, გეომორფოლოგიური და ჰიდროგეოლოგიური პირობების გავლენა მიწისძვრის ინტენსივობის გამოვლინებაზე", დაიცვა 1993 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.85-86; თბილისის სახელმწიფო უნივერსიტეტის მ. ნოდიას გეოფიზიკის ინსტიტუტის ვებ-გვერდი: ig-geophysics.ge