ვიქტორ ივანოვი

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი 1971 წელს.

1971 წლიდან მუშაობს ბირთვული გამოკვლევების გაერთიანებულ ინსტიტუტში (JINR, დუბნა, რუსეთი) სხვა­დასხვა თანამდებობაზე; 2003-2013წწ. იყო JINR ინფორმაციული ტექნოლოგიების ლაბორატორიის (LIT JINR) დირექტორი, 2013 წლიდან არის ამავე ლაბორატორიის მთავარი მეცნიერი თა­ნა­მშრო­მე­ლი და სექტო­რის ხელმძღვანელი; მისი სამეცნიერო კვლე­ვის სფეროა ექსპერიმენტული შედეგების ავტომატიზებული დამუშავებისა და ანალიზის მეთოდები, მათემატიკური სტატისტიკა, მაღალი ენერგიების ფიზიკა, რთული სისტემების მოდელირება და ანალიზი; მონაწილეობს მრავა­ლი საერთაშორისო სამეცნიერო პროექტის შესრულებაში; გამოქვეყნებული აქვს რამდე­ნი­მე ასეული სამეცნიერო ნა­შრომი; არის სამეცნიერო ჟურნალ "Particles and Nuclei. Letters"-ის რედკოლეგიის წევრი; 2009 წლიდან ნაციონალური კვლევითი ბირთვული უნივერსიტეტის «МИФИ»-ის პროფესორია. სამეცნიერო შრომების ციკლებისათვის მიღებული აქვს JINR-ის I (1998, 2005) და II (2002) პრემიები და სა­ხელმწიფო ჯილდოები. ფიზიკა-მათემატიკის მეცნიერებათა დოქტორი (1994), პროფესორი (2004). 

წყარო: საქართველო: ენციკლოპედია: ტ. IV. -თბ., 2018. -გვ.213; dubna.org

• ფიზიკისა და ქიმიის სოლვეის საერთაშორისო ინსტიტუტი (ბრიუსელი, ბელგია), წევრი (1995-2002)