კირილე გოლუბოვი

დაბადების ადგილი: ქ. თბილისი.

1951 წელს დემობილიზებულ იქნა სამხედრო სამსახურიდან. 1969 წლამდე მუშაობდა თბილისის სატელეგრაფო აპარატების ქარხანაში ზეინკლად. 1960-1965წწ. სწავლობდა თბილისის პუშკინის სახელობის სახელმწიფო პედაგოგიურ ინსტიტუტში საღამოს განყოფილებაზე, რომელიც წარჩინებით დაამთავრა გეოგრაფიის სპეციალობით. 1966-1969წწ. პარალელურად მუშაობდა თბილისის საექსკურსიო ბიუროში ექსკურსიამძღოლად. 1969-1993წწ. მუშაობდა თბილისის პუშკინის სახელობის სახელმწიფო პედაგოგიურ ინსტიტუტში ფიზიკური გეოგრაფიის კათედრაზე უფროს მასწავლებლად. 1993 წლიდან საცხოვრებლად გადავიდა რუსეთის ფედერაციაში. გამოქვეყნებული აქვს 10-მდე სამეცნიერო ნაშრომი, რამდემინე ათეული საგაზეთო წერილი და გზამკვლევები, რომლებიც ძირითადად ტურიზმის საკითხებს შეეხება. დაჯილდოებულია რამდენიმე მედლით მეორე მსოფლიო ომში გამარჯვების აღსანიშნავად. უფროსი მასწავლებელი.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.88

• თბილისის ჩანჩქერები (ავტორი). - თბილისი, საბჭ. საქართველო, 1977. - 4გვ.
• კახეთი : გზამკვლევი (ავტორი). - თბილისი, საბჭ. საქართველო, 1974. - 20გვ.