ვაჟა გუჯაბიძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ეკონომიკური გეოგრაფიის სპეციალობით. სწავლობდა დასწრებულ ასპირანტურაში.

1965 წლიდან მუშაობდა თბილისის სახელმწიფო უნივერსიტეტის სოციალური და ეკონომიკური გეოგრაფიის კათედრაზე, 1974-1987წწ. ამავე კათედრის გამგედ. 1990-1992წწ. შეთავსებით მუშაობდა დემოგრაფიისა და სოციოლოგიური კვლევის სამეცნიერო ინსტიტუტში - მიგრაციისა და განსახლების განყოფილების გამგედ; 1992-1995წწ. საქართველოს რესპუბლიკის შრომისა და სოციალური დაცვის მინისტრად; 1967-1968წწ. კვალიფიკაციის ამაღლების მიზნით იმყოფებოდა პოლონეთში; 1976 წელს კითხულობდა ლექციებს პორტლენდის, ოჰაიოს, სან-ფრანცისკოსა და ჰავაის უნივერსიტეტებში (აშშ); 1978 და 1984 წლებში ვარშავისა და ლოძის უნივერსიტეტებში (პოლონეთი); 1979-1981წწ. მუშაობდა ერაყში, როგორც გაეროს უფროსი ექსპერტი ხალხთმოსახლეობის პოლიტიკის სფეროში; 1976-1990წწ. იყო საერთაშორისო გეოგრაფიული კავშირის ქალაქებისა და განსახლების სისტემების წევრი; 1990-1995წწ. ევროპის დემოგრაფიული ასოციაციის დემოგრაფიული კომისიის წევრი. 1992-1995წწ. საქართველოს შრომის, სოციალური დაცვისა და დასაქმების მინისტრი. ძირითადი სამეცნიერო ინტერესი - გეოდემოგრაფია განსახლების სისტემების ტერიტორიული ორგანიზაცია, მდგრადი სოციალურ-ეკონომიკური და ეკოლოგიური განვითარება. გეოგრაფიულ მეცნიერებათა კანდიდატი, დოცენტი (1961).

საკანდიდატო დისერტაციის თემა - "კოლხეთის მოსახლეობის გეოგრაფია", დაიცვა 1966 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.96

• Актуальные вопросы геологии и географии : Сборник статей (ავტორი). - Тбилиси, ТГУ, 1988. - 194с.
• География населения Колхиды : В связи с вопросами рационального использования трудовых ресурсов и реконструкции расселения (ავტორი). - Тбилиси, ТГУ, 1966. - 24с.