
	English Georgian

The Biographical Dictionary of Georgia covers biographies of people who belong to history of Georgia, who are linked with Georgia, lived in or beyond it.

The dictionary is supported by the National Library of Georgia.

The project aims at publishing the biographies of outstanding Georgians. We hope that whole Georgia will be involved in filling this unique dictionary.

Follow on Facebook

Suggest a Biography

Correction

კარლო ინასარიძე

Other name:	დავით თაბოროძე (Pseudonym) ოთარ კეთილაძე (Pseudonym)
Date of birth:	15 November, 1919
Date of death:	24 July, 2007 (at 87 years)
Burial location:	ლევილის ქართული სასაფლაო, საფრანგეთი
Category:	Scientist, Writer, Politician, Publicist

Biography

დაბადების ადგილი: სოფელი კუშუბაური, ახლანდელი ვანის მუნიციპალიტეტი.

თბილისის კინომსახიობთა სტუდიაში სწავლის პერიოდში გაიწვიეს II მსოფლიო ომში, სადაც ტყვედ ჩავარდა; ქართველი ემიგრანტების დახმარებით "ქართული ლეგიონის" საქმიანობაში ჩაერთო. ომის შემდეგ გერმანიაში შეისწავლა იურისპრუდენცია, ფილოსოფია, კინოსა და თეატრის ისტორია. მისი სადოქტორო დისერტაცია იურისპრუდენციაში მიეძღვნა რუსეთ-საქართველოს 1783 წლის გეორგიევსკის ტრაქტატის სამართლებრივ ასპექტებს; იყო ნ. ჟორდანიას პოლიტიკური თანამოაზრე, ემიგრაციაში მოქმედი საქართველოს სოციალ-დემოკრატიული პარტიის წევრი; პარიზში მისი რედაქტორობით გამოდიოდა ჟურნალები: "მებრძოლი საქართველო" და "ჩვენი დროშა"; იგი ასევე თანამშრომლობდა ვ. ნოზაძის ჟურნალ "კავკასიონთან". დიდი წვლილი მიუძღვის ჟურნალ "თანამემამულის" დაარსებაში; იყო რადიო "თავისუფლების" ქართული რედაქციის დირექტორი; მან თავი მოუყარა ქართველი ემიგრანტების – გ. რობაქიძის, მ. წერეთლის, რ. არსენიძის, ვ. ნოზაძის და სხვათა ხმების ფონოგრამებს; საქართველოში გამოგზავნა უცხოეთში გამოცემული არაერთი ქართული წიგნი და ჟურნალ-გაზეთი; შ. და გ. მაღლაკელიძეების, კ. ვეკუას, ი. და ა. ნიკურაძეების არქივები, რომლებიც ინახება საქართვ. სხვადასხვა ინსტიტუტსა და მუზეუმში; მას მნიშვნელოვანი წვლილი მიუძღვის საქართველოს პირველი დემოკრატიული რესპუბლიკის მთავრობის არქივის სამშობლოში დაბრუნების საქმეში; საქართველოსა და ქართველი ხალხის წინაშე განსაკუთრებული დამსახურებისათვის, ქველმოქმედებისა და საეკლესიო მშენებლობაში შეტანილი მნიშვნელოვანი წვლილისთვის მიენიჭა საქართველოს საპატიო მოქალაქის წოდება (1996). პოლიტიკური მოღვაწე.

წყარო: საქართველო: ენციკლოპედია: ტ. IV. -თბ., 2018. -გვ.266

Member of Organizations

სოციალ-დემოკრატიული პარტია, წევრი

Bibliography

ტელემეტყველება (Author). - მიუნხენი, 2000. - 1237გვ.
თეატრისმეტყველება (Author). - მიუნხენი, 1995. - 1030გვ.
პოლიტიკური კულტურა : კრებული (Author). - პარიზი, 1992. - 289გვ.
კორიდა "ხართან ბრძოლა" = La Corrida de Toros (Author). - მიუნხენი, 1984. - 84გვ.
პატარა "ოქროს ხანა" : საქართველოს დემოკრატიული რესპუბლიკა, 1918-1921 : რადიოდოკუმენტაცია (Author). - მიუნხენი, 1984. - 694გვ.
ივერიონი : დაარსების მე-1000 წლისთავი : რადიოდოკუმენტაცია (Author). - მიუნხენი, 1983. - 529გვ.
რადიომეტყველება = Radiokunde = Science de la Radio = Радиовведение (Author). - მიუნხენი, 1971. - 835გვ.