აბდონ ინოჩენცი

დაბადების ადგილი: ქ. რომი.

მილანის საბალეტო სკოლის კურსდამთავრებული.

1882-1884წწ. ცეკვავდა იტალიაში ტურინისა და რომის თეატრებში, მილანის "ლა სკალაში". 1884-1987წწ. მოღვაწეობდა კიევში, საქალაქო თეატრში, პარალელურად გახსნა საბალეტო სტუდია; 1887 წელს მოიწვიეს თბილისში; 1894 წლამდე მუ­შა­ობ­და თბილისის "სახაზინო თეატრში" მთავარ ბალეტმაისტე­რად; 1888–1920წწ. ასწავლიდა იმხანად თბილისში ახლადშემოსულ და ძალზე პოპულარულ სამეჯლისო ცეკვებს თითქმის ყველა სასწავლო დაწესებულებაში – კადეტთა კორპუსში, წმინდა ნინოს კეთილშობილთა სა­სწავ­ლე­ბელ­ში, აგრეთვე ქალთა და ვაჟთა გიმნაზიებში; 1891 წელს "სახაზინო თეატრში" შედგა მისი და მისი მეუღლის – მოცეკვავის, პედაგოგისა და ბალეტმაისტერის მ. პერინის ბენეფისი; 1895 წელს მათ ჩამოაყალიბეს "საბალეტო და სამეჯლისო ცეკვების სტუდია", რომელმაც 1930 წლამდე იარსება; სიცოცხლის ბოლომდე ეწეოდა პედაგოგიურ მოღვაწეობას; თბილისში მოღვაწე იტალიელი მოცეკვავე, ბალეტმაისტერი.

წყარო: საქართველო: ენციკლოპედია: ტ. IV. -თბ., 2018. -გვ.287