ვარდენ გოცირიძე

1883 წელს, მუშა-პოეტ იოსებ დავითაშვილთან (1850-1887) ერთად, თელავში ჩამოაყალიბა ხელოსანთა არტელი. გამოსცა იოსებ დავითაშვილის "სტვირი და სხვა ლექსები" (ტფ.,1880, 32გვ.),  მის დაკრძალვაზე წარმოთქმულ სიტყვაში ისაუბრა მუშებისა და ხელოსნების მდგომარეობაზე და მათ გაერთიანებისაკენ მოუწოდა. თიანეთის ორკლასიან სასწავლებელში ასწავლიდა სხვადასხვა ხელობას, სოფელ ბარისახოში თავისი ხელითა და სახსრებით ააშენა  სკოლა და ეკლესია. 1880-1890წწ. ეწეოდა საქართველოს მოსახლეობაში ეროვნულ-საზოგადოებრივი ცნობიერების ამაღლებას. 1902 წელს ქ. მერვში (ტაშკენტის ოლქი) გააგზავნეს მასწავლებლად, საიდანაც 1917 წელს დაბრუნდა. ვარდენ გოცირიძის მოგონებები ვაჟა-ფშაველას შესახებ დაიბეჭდა "სახალხო ფურცელში" (1915,№382). თელავის ხელოსანთა ამხანაგობის დამაარსებელი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.706