კარაპეტ გრიგორიაც-ყაზახელი

მშობლიურ ენად აღიარებდა ქართულს და წერდა ქართულ ენაზე. განსაკუთრებით ცნობილი იყო, როგორც მხატვარ-პრიმიტივისტი და პორტრეტისტი. ხატავდა სამიკიტნოს კედლებზე. პუშკინის ქუჩაზე, სარდაფ "სიმპატიას" კედლებზე დახატა შოთა რუსთაველის, კოპერნიკის, სოკრატეს, გალილეის, გლადსტონის და სხვების პორტრეტები შესაფერისი წარწერა-აფორიზმებით. გამოუქვეყნებელი დარჩა ხელნაწერი: "ძველი თბილისის ამბები" (ნაწყვეტები დაიბეჭდა "ლიტერატურა და "ხელოვნებაში", 1943, №6), "აფორიზმები და ბრძნული აზრები" (ამოკრებილი სხვადასხვა მწერლებისა და მოაზროვნეების ნაწარმოებებიდან). ძველი თბილისის მოქალაქე, მწიგნობარი, თვითნასწავლი მხატვარი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.715

• ქვეყნიერების გასაოცარი ამბები კაცების სურათებით : შედგენილი კ. გრიგორიანც-ყაზახელის მიერ. - თბილისი : გამოცემული კ. გრიგორიანც-ყაზახელის მიერ (შემდგენელი). - თბილისი, ძმ. თავართქილაძეების სტ., 1902. - 376გვ.
• ეფიმერტე ანუ ეფრემ-ვერდი : ძვ. სომხ. ნათარგმნი და გამოცემული კ. გრიგორიანც-ყაზახელის-მიერ (მთარგმნელი). - თფილისი, მ. შარაძის და ამხ. სტ., 1897