ლევან იმნაიშვილი

დაბადების ადგილი: ქ. თბილისი.

დაამთავრა საქართველოს პოლიტექნიკური ინსტიტუტი ინჟინერ-ელექტრიკოსის სპეციალობით 1976 წელს.

1986-1987წწ. საქართველოს პოლიტექნიკური ინსტიტუტის წამყვანი ინჟინერი, უფროსი მეცნიერ მუშაკი (1987-1990); საქართველოს ტექნიკური უნივერსიტეტის ავტომატიკისა და გამოთვლითი ტექნიკის საპრობლემო ლაბორატორიის უფროსი მეცნიერ მუშაკი (1990-1993), ოპტოელექტრონული გამომთვლელი საშუალებების კვლევითი ლაბორატორიის უფროსი მეცნიერ მუშაკი (1993-2005), კომპიუტერული სისტემებისა და ქსელების კათედრის დოცენტი (2005-2006), კომპიუტერული ინჟინერიის აკადემიური დეპარტამენტის ასოცირებული პროფესორი (2006-2009), 2009 წლიდან კომპიუტერული ინჟინერიის აკადემიური დეპარტამენტის პროფესორი, 2010 წლიდან კომპიუტერული ინჟინერიის აკადემიური დეპარტამენტის უფროსი; 1999 წლიდან დღემდე შპს "ენერგოსერვისის" დირექტორი. მუშაობს საინჟინრო, სამეცნიერო–კვლევითი, საგამომგონებლო, ორგანიზაციული, ექსპერტული და საგანმანათლებლო მიმართულებით. მისი ინტერესების სფეროს წარმოადგენს: ციფრულ სისტემებში მრავალფუნქციურობის პრინციპის გამოყენება; SCADA სისტემების ეფექტურობის მაღალი წარმადობა, საიმედოობა; ბიომეტრიული ტექნოლოგიები; მომხმარებელზე ორიენტირებული ბიზნეს–პროცესების მართვის სისტემების საკითხები; მომხმარებელზე ორიენტირებული ადამიანი – კომპიუტერის (მანქანის) ინტერფეისის თეორიული და პრაქტიკული საკითხები. არის ადგილობრივი და საერთაშორისო კონფერენციების მონაწილე; საბაკალავრო საგანმანათლებლო პროგრამების ხელმძღვანელი, სამაგისტრო და სადოქტორო პროგრამების სამუშაო ჯგუფების წევრი. საინჟინრო აკადემიის ინფორმატიკის განყოფილების გამგის მოადგილე. ტექნიკურ მეცნიერებათა დოქტორი (2006), პროფესორი (2009).

წყარო: საქართველოს ტექნიკური უნივერსიტეტი: my.gtu.ge

• განათლების ხარისხის განვითარების ეროვნული ცენტრის ავტორიზაციის საბჭო, წევრი (2017-2019)
• საქართველოს ტექნიკური უნივერსიტეტის აკადემიური საბჭო, წევრი (2012-2020)
• უმაღლესი საგანმანათლებლო დაწესებულებების ავტორიზაციის საბჭო, წევრი (2018-)

• 2012 - საქართველოს ეროვნული პრემია, ტექნიკის დარგში (ჯგუფთან ერთად)
• 2005 - ღირსების ორდენი