ალექსანდრე გუგუშვილი

დაბადების ადგილი: ქ. ქუთაისი.

1905 წლამდე სწავლობდა ქუთაისის კლასიკურ გიმნაზიაში. სცენაზე გამოვიდა 1905 წელს ქუთაისში, ვლადიმერ ალექსი-მესხიშვილის რეჟისორობით დადგმულ სპექტაკლში "პატარა კახი" (აკაკი წერეთლის პიესა, დრამა), შეასრულა რევაზ ბებურიშვილის როლი. 1906-1913წწ. იყო ქუთაისის ქართული დრამატული თეატრის მსახიობი და თანარეჟისორი (აქვე, 1914-1915წწ, 1925-1926წწ.), 1913-1914წწ. თბილისში, ზუბალაშვილის "სახალხო სახლში", 1916 წელს სამტრედიის ქართული თეატრის რეჟისორი, 1916-1918წწ. და 1920-1921წწ. ბათუმის თეატრის მსახიობი და რეჟისორი, 1918-1919წწ. და1924-1925წწ. თბილისის ქართული დრამატული თეატრის დასის წევრი. 1920 წელს პირველად, მისი რეჟისორობით "სახალხო სახლში" დაიდგა პიესა "ნიღაბქვეშ". 1926 წლიდან მუშაობდა თბილისის კინოსტუდიაში. ხელს უწყობდა კინომსახიობთა პროფესიულ დახელოვნებას და კინომრეწველობის განვითარებას. 

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.735

• კინომსახიობთა საქალაქო კომიტეტი, თავმჯდომარე (1927-1929)