სოსო იორამაშვილი

დაბადების ადგილი: სოფელი დირბი, ახლანდელი ქარელის მუნიციპალიტეტი.

დაამთავრა თბილისის სახელმწიფო უნივერსიტეტის ფილოლოგიის ფაკულტეტი 1936 წელს.

წლების განმავლობაში მუ­შა­ობ­და ჟურნალ-გაზეთების რედაქციებსა თუ გამომცემლობებში; 1942-1945წწ. მონაწილეობდა II მსოფლიო ომში; 1946 წლის შემდეგ შეუდგა ლიტერატურულ მოღვაწეობას; მისი მოთხრობების პირველი კრებული "ვერხვის ჭალაში" გამოქვეყნდა 1954 წელს. მისი ნაწარმოებების ძირითადი თემაა სოფელი, ნადირობა; იგი სათავგადასავლო ჟანრის ერთ-ერთი პიონერია სა­ქარ­თვე­ლო­ში ("კარავი მტკვრის პირას", 1959). ავტორია ­მოთხრობების კრებულებისა: "ნაცნობი სახე" (1956), "უცნაური შეხვედრა" (1968), "ჯაბა ელიაური" (1962), "კოჭლი კაკაბი" (1964), "მოთხრობები" (1965), "გაღმა ვენახი" (1967), "წითელი ვაშლის საი­დუმ­ლოება" (1977) და სხვა; ეწეოდა მთარგმნე­ლობით საქმიანობას (მათე ზალკა, "გენერალი", 1941 და სხვა).

წყარო: საქართველო: ენციკლოპედია: ტ. IV. -თბ., 2018. -გვ.331

• გაღმა ვენახი : მოთხრობები (ავტორი). - თბილისი , ლიტერატურა და ხელოვნება, 1967. - 567გვ.
• ჯაბა ელიაური : სათავგადასავლო მოთხრობა (ავტორი). - თბილისი, ნაკადული, 1962. - 117გვ.
• უცნაური შეხვედრა : მოთხრობები (ავტორი). - თბილისი, საბჭოთა საქართველო, 1962. - 246გვ.
• მოთხრობები (ავტორი). - თბილისი, საბჭოთა საქართველო, 1960. - 147გვ.
• ნაცნობი სახე : მოთხრობები (ავტორი). - თბილისი, სახელგამი, 1956. - 52გვ.
• ვერხვის ჭალაში : მოთხრობები. - თბილისი, პოლიგრაფკომბინატი "კომუნისტი", 1954. - 84გვ.