დომენტი გულდედავა

დაბადების ადგილი: სოფელი ჭაგანი (ყოფილი ქუთაისის მაზრა), სამტრედიის რაიონი.

დაამთავრა ჭაგანის ორკლასიანი სასწავლებელი.

1899 წელს თბილისის რკინიგზის მთავარი სახელოსნოს შემკრებ საამქროში ზეინკლის შეგირდად მოეწყო და აქედანვე ჩაება მუშათა მოძრაობაში. 1900 წლიდან სოციალ-დემოკრატიული პარტიის აქტიურ წევრად ითვლებოდა, მონაწილეობდა მუშათა რევოლუციურ გამოსვლებში. 1908 წლის 8 თებერვალს დააპატიმრეს თბილისში, 1909 წლის 6 მაისს გადაასახლეს ვიატკის გუბერნიაში. ბრალად ედებოდა რამდენიმე საქმე. 1910 წელს მიესაჯა სიკვდილით დასჯა, რაც შემდეგ 20 წლიანი კატორღით შუცვალეს. 1911 წელს გარდაიცვალა ვიატკის ციხეში. რევოლუციონერი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.747