ეკატერინე დემეტრაშვილი-კანდელაკი

დაბადების ადგილი: სოფელი ვაქირი, სიღნაღის რაიონი.

დაამთავრა სიღნაღის საშუალო სკოლა 1930 წელს და მუშაობა დაიწყო სოფელ ბოდბისხევის ოთხწლიან შრომის სკოლაში მასწავლებლად. 1938 წელს დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი გეოგრაფიის სპეციალობით. 1938-1942წწ. გაიარა ასპირანტურის კურსი ეკონომიკური გეოგრაფიის სპეციალობით.

1941-1960წწ. მუშაობდა თბილისის მე-18 საშუალო სკოლაში გეოგრაფიის მასწავლებლად; 1945-1960წწ. კი გორის ნ. ბარათაშვილის სახელმწიფო პედაგოგიურ ინსტიტუტში. იქვე, 1959-1960წწ. იყო გეოგრაფიის კათედრის გამგე; 1960 წლიდან მუშაობდა თბილისის სახელმწიფო უნივერსიტეტის ეკონომიკური გეოგრაფიის კათედრაზე. მის სადისერტაციო ნაშრომში მოცემულია ტერიტორიის ეკონომიკური გეოგრაფიის ძირითადი საკითხები და შიდა ტერიტორიული დაყოფა. არის 50-მდე სამეცნიერო შრომის ავტორი, რომელთაგან 27 გამოქვეყნებულია. მისი სამეცნიერო მუშაობის სფერო მოიცავს საქართველოს სხვადასხვა მხარის ეკონომიკურ-გეოგრაფიული დახასიათება, მათ შორის, სოფლის მურნეობის გეოგრაფია, ტრანსპორტის გეოგრაფია, მოსახლეობის გეოგრაფია, ეკოლოგიის საკითხები და სხვ. გეოგრაფიულ მეცნიერებათა კანდიდატი, დოცენტი (1962).

საკანდიდატო დისერტაციის თემა - "სიღნაღის რაიონის ეკონომიურ-გეოგრაფიული დახასიათება", დაიცვა 1954 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.108

• 1976 - ივანე ჯავახიშვილის სახელობის მედალი
• 1975 - საქართველოს დამსახურებული მასწავლებელი