პაატა თოიძე

დაბადების ადგილი: ქ. ოზურგეთი.

დაამთავრა საქართველოს პოლიტექნიკური ინსტიტუტის არქიტექტურის ფაკულტეტი 1977 წელს და ასპირანტურა 1983 წელს.

1977-1989წწ. ოდესის მშენებლობის ინსტიტუტის არქიტექტურისა და ქალაქგეგმარების კათედრის არქიტექტორი, უმცროსი მეცნიერ-თანამშრომელი; ქობულეთის საპროექტო ბიუროს მთავარი არქიტექტორი; ოზურგეთის არქიტექტორთა და დიზაინერთა ასოციაციის არქიტექტორი; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი: საარჩევნო ბლოკი "მრგვალი მაგიდა - თავისუფალი საქართველო", საქართველოს ჰელსინკის კავშირი, მაჟორიტარი, ოზურგეთის N60 საარჩევნო ოლქი; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი).

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 175

• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს კულტურისა და განათლების კომისია, წევრი (1990-1991)