თენგიზ ირემაძე

დაბადების ადგილი: ქ. სოხუმი.

დაამთავრა თბილისის სახელმწიფო უნივერსიტეტის ფილოსოფიისა და სოციოლოგიის ფაკულტეტი 1998 წელს.

2007 წლიდან გ. რობა­ქიძის სახელობის უნივერსიტეტის ფილოსოფიისა და სოციალურ მეც­ნი­ე­რე­ბა­თა კვლევითი ინსტიტუტის დირექტორი; 2015 წლიდან კავკასიური ფილოსოფიისა და თეოლოგიის სამეცნიერო-კვლევითი არქივის დირექტორი; გამოქვეყნებული აქვს სტატიები "სტენფორდის ფილოსოფიურ ენციკლოპედიაში"; არის არაერთი ფილოსოფიური და ლიტერატურის საზოგადოებისბის, მათ შორის შუა საუკუნეების კვლევის საერთაშორისო და სხვა საზოგადოებების წევრი; ცნობილი ფილოსოფიური წელიწდეულების რედაქტორ-გამომცემელი და სამეცნიერო-საგამომცემლო საბჭოს წევრი; მისი სამეცნიერო ნა­შრომებია: "ფილოსოფია, სოციოლოგია, მედიის თეორია"; "ფილოსოფია-სოციოლოგიის კლა­სიკური და თანამედროვე ტექსტები, თარგმანები"; "ფრიდრიხ ნიცშეს რჩეულ თხზუ­ლე­ბათა ქართულენოვანი აკადემიურ-კრიტიკული გამოცემა"; "აღმოსავლეთი და ­დასავლეთი – კულტურათა დიალოგი"; "Philosophie und Sozialtheorie" (Berlin) და სხვ. (გამოქვეყნებულია მრავალ ენაზე); მის ფილოსოფიურ ნაშრომების ანალიზს მიეძღვნა საერთაშორისო სამეცნიერო კონფერენცია "ნეოპლატონიზმი და თანამედროვეობა" (2008), არაერთი სამეცნიერო სტატია, კრებული და მონოგრაფია. უცხოელი და ­ქართველი სპეციალისტები მის სამეცნიერო ნაშრომებს მიიჩნევენ ანტიკური ხანისა და შუა საუკუნეების ნეოპლატონიზმის კონცეფციათა ორიგინალურ ფილოსოფიურ კვლე­ვად, რაც გამოიხატა ამ მე­მკვი­დრეო­ბის ტი­პოლოგიურ-სისტემური ინ­ტერპრე­ტაციის ახალი, ინტერკულტურული მო­დე­ლის შემუშავებით. ფილოსოფიის ისტორიის კვლე­ვის ამ ინტერკულტურულმა მოდელმა დარგის არაერთი ცნობილი წარმომადგენლის საგანგებო ყურადღება მიიქცია. მის სახელთან არის დაკავშირებული კავკასიური ფილოსოფიის ცნების შემოტანა თანამედროვე ფილოსოფიურ დისკურსში და ამ მეტად საინტერესო თეორიული მე­მკვიდრე­ო­ბის შე­სა­ხებ ისტორიულ-სისტემური კვლე­ვა-ძიების დაწყება; ფილოსოიის მეცნიერებათა დოქტორი (2003), პროფესორი (2007); ბოხუმის უნივერსიტეტში (გერმანია) დაიცვა სადოქტორო დისერტაცია თემაზე "აზროვნების კონცეფციები ნეოპლატონიზმში" (2003).

წყარო: საქართველო: ენციკლოპედია: ტ. IV. -თბ., 2018. -გვ.352

• გ. ლესინგის აკადემია (გერმანია), წევრი
• ერნსტ მაისტერის საზოგადოება, საპატიო წევრი
• იოანე პეტრიწის საფილოსოფოსო საზოგადოება, თავმჯდომარე
• პატრისტიკული კვლევების საერთაშორისო ასოციაცია, წევრი

• რელიგია - შემწყნარებლობა - სახელმწიფო = Religion - Tolerance - State (ავტორი). - თბილისი, ნეკერი, 2016. - 36გვ.. - ISBN: 9789941457661
• ფრიდრიხ ნიცშეს ფილოსოფია და მისი გაგების პერსპექტივები = Friedrich Nietzsche's philosophy and perspectives of its interpretation (ავტორი). - თბილისი, ნეკერი, 2015. - 124გვ.. - ISBN: 9789941457364
• პითაგორა კავკასიური ფილოსოფიის კონტექსტში = Pythagoras in the Context of Caucasian philosophy (ავტორი). - თბილისი , ნეკერი, 2014. - 64გვ.. - ISBN: 9789941457326
• ფილოსოფია ეპოქათა და კულტურათა გზაგასაყარზე : ინტერკულტურული და ინტერდისციპლინური კვლევები (ავტორი). - თბილისი, ნეკერი, 2013. - 169გვ.. - ISBN: 978-9941-436-55-0
• ვალტერ ბენიამინი : ცხოვრება, მოღვაწეობა, აქტუალობა (ავტორი). - თბილისი, ნეკერი, 2008. - 107გვ.. - ISBN: 978-9941-404-20-7
• ფრიდრიხ ნიცშე "ესე იტყოდა ზარატუსტრა" = Friedrich Nietzsche "Also sprach Zarathustra" : ტექსტი და კონტექსტი (ავტორი). - თბილისი, ნეკერი, 2006. - 168გვ.. - ISBN: 99940-890-1-3