ჯამბაკურ გურიელი

ხშირად უწევდა შუამდგომლობას მეფის მთავრობასთან დევნილ-შევიწროებულ მოსახლეობას. 1879 წელს, მუდმივმოქმედ ქართულ თეატრალურ დასს ფოთში მოგზაურობისა და გასტროლების დროს, თავის მეუღლესთან, ულამაზეს ელეონორასთან ერთად დიდი მასპინძლობა გაუწია. პირველმა უჩვენა ქართველ მსახიობებს გურული ხალხური შემოქმედების ნიმუშები - ცეკვა, სიმღერა და სხვ. ცნობილი იყო თავისი ქველმოქმედებით, სარგებლობდა გავლენითა და ავტორიტეტით, დიდ დახმარებას უწევდა ქართულ კულტურას, მფარველობდა პოლიტიკურ დევნილებს. მამია და ტელემაკ (ალექსანდრე) გურიელების ძმა. "ვეფხისტყაოსნის" დასურათებისას მიხაი ზიჩიმ ჯამბაკურ გურიელი ფარსადან მეფის ტიპაჟისათვის გამოიყენა. მგალობელი, ქველმოქმედი.

 წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.784