სიკო გძელიშვილი

დაამთავრა თბილისის სასულიერო სემინარია 1886 წელს.

მსახურობდა ქართულ სათავადაზნაურო გიმნაზიაში აღმზრდელად. თანამშრომლობდა გაზეთ "ივერიასთან", სადაც აქვეყნებდა ფელეტონებსა და თარგმანებს. შემდეგ სამედიცინო განათლების მისაღებად გაემგზავრა რუსეთში. დაამთავრა ტომსკის უნივერსიტეტის სამედიცინო ფაკულტეტი, მუშაობდა სამაზრო ექიმად. კარგი სამახურისა და შემოსავლის მიუხედავად, 1912 წელს დაბრუნდა საქართველოში და მუდმივად ეხმარებოდა ღარიბ და გაჭირვებულ მოსახლეობას. აქტიურად თანამშრომლობდა  ჟურნალ-გაზეთებთან, აქვეყნებდა წერილებს სხვადასხვა საკითხზე. ქართველ ექიმთა საზოგადოების ერთ-ერთი დამაარსებელი.

წყარო: ქართველ მოღვაწეთა ლექსიკონი, 1801-1952: ტ. I ა-დ / იოსებ იმედაშვილი.-თბ.,2018.-გვ.786