რევაზ კაკულია

დაბადების ადგილი: სოფელი ნორიო, ახლანდელი აბაშის მუნიციპალიტეტი.

დაამთავრა თბილისის სახელმწიფო უნივერსიტეტის ეკონომიკის ფაკულტეტი ფინანსებისა და კრედიტის სპეციალობით 1959 წელს.

1972-1979წწ. და 1985-1991წწ. იყო სა­ქართველოს ფინანსთა მინისტრის მო­ად­გი­ლე; 1979-1985წწ. სა­ქართველოს სოფლის მეურნეობის მინისტრისა და აგროსამრეწველო კომიტეტის თავმჯდომარის მო­ად­გი­ლე; 1991-2005წწ. ეკონომიკის სამეცნიერო-კვლევითი ინსტიტუტის დირექტორის მო­ად­გი­ლე; 1959 წლიდან კითხულობს ლექციებს სხვადა­სხვა უმაღლეს სასწავლებელში; 2006 წლიდან ქუთაისის უნივერსიტეტის ჟურნალ "ეკონომიკური პროფილის" მთავარი რედაქტორია; მისი მეცნიერების კვლევის სფეროა ეკონომიკის თეორიის, ეკონომიკის მოძღვრებათა ისტორიის, საბაზრო ეკონომიკის, ფინანსებისა და საბანკო საქმის საკითხები; გამოქვეყნებული აქვს მრავალი სამეცნიერო შრომა, მათ შორის 18 მონოგრაფია და 25 სახელმძღვანელო; ჟურნალ "სა­ქარ­თველოს ეკონომისტის" და სა­ქართველოს სავაჭრო-სამრეწველო პალატის მიერ გამოცხადებულ კონკურსზე მისმა სახელმძღვანელომ (ავტორთა კოლექტივის ხელმძღვანელი) "საგადასახადო საქმე" ნომინაციაში "2007 წლის საუკეთესო ნაშრომი ეკონომიკაში" მიიღო პირველი პრემია. მიღებული აქვს სა­ხელმწიფო ჯილდოები. ეკონომიკის მეცნიერებათა დოქტორი (1993), პროფესორი (1996).

წყარო: საქართველო: ენციკლოპედია: ტ. IV. -თბ., 2018.-გვ. 479; წიგნი ღირსებისა: ტ. 2/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.38

• 2010 - ივანე ჯავახიშვილის სახელობის მედალი
• 1997 - ღირსების ორდენი
• 1982 - საპატიო ნიშნის ორდენი

• ფინანსური ეკონომიკა : დამხმარე სახელმძღვანელო (ავტორი). - თბილისი, გამ-ბა "ვერჟეს" სტ., 2007. - 284გვ.
• ფინანსების თეორია : სახელმძღვ. საფინ.-ეკონ. უმაღლ. სასწ. და უნ-ტების სტუდ. (ავტორი). - თბილისი, თერგი, 2007. - 338გვ.
• საბაზრო ეკონომიკაზე გადასვლის თეორიისა და პრაქტიკის პრობლემები (ავტორი). - თბილისი, შპს "პდპ", 2003. - 545გვ.
• ფულის მიმოქცევისა და კრედიტის ზოგადი თეორია : [სახელმძღვ. საფინ.-ეკონ. უმაღლ. სასწ. და უნივერსიტეტების სტუდენტებისათვის (თანაავტორი). - თბილისი, 2000. - 470გვ.
• ფინანსების ზოგადი თეორია : სახელმძღვ. საფ.-ეკონ. უმაღლ. სასწ. და უნ-ტების სტუდ. "ფინანსებისა და კრედიტის" სპეც. (ავტორი). - თბილისი , 1998. - 325გვ.
• მეურნეობრიობის ეკონომიკური მექანიზმის სრულყოფა და წარმოების ეფექტიანობის ამაღლება აგროსამრეწველო კომპლექსში (ავტორი). - თბილისი, საბჭ. საქართველო, 1988. - 283გვ.
• საზოგადოებრივი წარმოების ეფექტიანობის ამაღლების საფინანსო მეთოდები (ავტორი). - თბილისი, 1978. - 339გვ.