ტონი კალანდარიშვილი

დაბადების ადგილი: ქ. თბილისი.

დაამთავრა თბილისის სა­ხელმწიფო სამხატვრო აკადემია 1950 წელს.

1951-2003წწ. მუ­შა­ობ­და "თბილქალაქპროექტში" არქიტექტორად, პროექტის მთავარ არქი­ტექტორად, არქიტექტურის სახელოსნოს ხელმძღვანელად; გარდა შემოქმედებითი საქმიანობისა; 1955-1977წწ. ეწეოდა პედაგოგიურ მოღვაწეობასაც თბილისის სამხატვრო აკადემიის არქიტექტურის ფაკულტეტზე; საკონკურსო პროექტები: ვახტანგ გორგასლის ძეგლი თბილისში, 1957, III პრემია (მოქანდაკე გ. კორძახია); სა­ქართველოს კულტურული ცენტრი იერუსალიმში, 1997, წამახა­ლისებელი პრემია (არქიტ. დ. მორბედაძესთან და ნ. ქუმსიაშვილთან ერთად). ნამუშევრები: პიონერთა და მოსწავლეთა (ამჟამად მოსწავლე ახალგაზრდობის ეროვნული) სასახლის ბაღის ჭედური ღობე (1952; არქიტექტორ დ. მორბედაძესთან ერთად); ინდივიდუალური სააგარაკო სახლები დაბა წყნეთში (1953); მეტროს სადგური "რუსთაველის მოედნის" ზედა პავილიონი (1965); სასტუმრო "ივერია" (ამჟამად "რედისონ-ივერია") თბილისში (1967; თანაავტორი არქიტექტორი ი. ცხომელიძე, სსრკ მინისტრთა საბჭოს პრემია, 1972); შ. ნუცუბიძის ქუჩის ფერდობების განაშენიანება თბილისში – საცხოვრებელი კომპლექსი "შატილი" (1974-1976; არქიტექტორ გ. ფოცხიშვილთან ერთად); მემორიალი ქუთაისში (1978; მოქანდაკე მ. ბერძენი­შვი­ლი); რესპუბლიკის (ამჟამად პირველი რესპუბლიკის) მოედანი და სამსართულიანი სავაჭრო-საზოგადოებრივი ცენტრი თბილისში (1982; არქიტ. გ. ფოცხიშვილთან ერთად); დავით აღმაშენებლის ძეგლი თბილისში (1998; მოქანდაკე მ. ბერძენი­შვილი). მიღებული აქვს სსრკ მინისტრთა საბჭოს პრემია (1972).

წყარო: საქართველო: ენციკლოპედია: ტ. IV. -თბ., 2018.-გვ. 486; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.199

• საქართველოს არქიტექტორთა კავშირი, წევრი (1960-)
• სსრკ არქიტექტორთა კავშირი, გამგეობის წევრი

• 1998 - ღირსების ორდენი
  ქართული თანამედროვე არქიტექტურის განვითარების საქმეში შეტანილი პირადი დიდი წვლილისათვის, ნაყოფიერი შემოქმედებითი, პედაგოგიური და საზოგადოებრივი მოღვაწეობისათვის
• 1967 - სა­ქართველოს დამსახურებული არქიტექტორი