ამირან თედიაშვილი

დაბადების ადგილი: სოფლი მიტარბი, ბორჯომის რაიონი.

დაამთავრა თბილისის სახელმწიფო უნივერსიტეტის გეოგრაფია-გეოლოგიის ფაკულტეტი ფიზიკური გეოგრაფიის სპეციალობით 1972 წელს.

1973 წლიდან მუშაობდა თბილისის სახელმწიფო უნივერსიტეტის მარტყოფის ფიზიკურ-გეოგრაფიულ სტაციონარში ჯერ ლაბორანტის, შემდეგ ინჟინრის, 1982 წლიდან აეროკოსმოსური მეთოდებით გარემოს მდგომარეობათა შემსწავლელ სამეცნიერო-კვლევით ლაბორატორიაში უმცროსი, 1988 წლიდან უფროსი მეცნიერ თანამშრომლის თანამდებობაზე. 1990 წელს გადაყვანილ იქნა კარტოგრაფია-გეოდეზიისა და გეოინფორმატიკის კათედრაზე დოცენტის თანამდებობაზე. მონაწილეობდა: პამირის, ტიან-შანის, ყირიმის, კარპატების, ჩრდილო კავკასიის, ხიბინის მთების და სხვ. ექსპედიციებში. გამოქვეყნებული აქვს 30-მდე სამეცნიერო და სამეცნიერო-პოპულარული ნაშრომი. გეოგრაფიულ მეცნიერებათა კანდიდატი, დოცენტი (1990).

საკანდიდატო დისერტაციის თემა - "ფიტომასის როგორც ბუნებრივ-ტერიტორიული კომპლექსებისა და მათი მდგომარეობის ლანდშაფტურ-გეოფიზიკური მაჩვენებლის კვლევა", დაიცვა 1984 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.132-133