თამაზ კალაძე

დაბადების ადგილი: ქ. თბილისი.

დაამთავრა თბილისის სახელმწიფო უნივერსიტეტის ფიზიკის ფაკულტეტი თეორიული ფიზიკის სპეციალობით 1967 წელს.

1967-19წწ. მუ­შა­ობ­და თბილისის სახელმწიფო უნივერსიტეტის ი. ვეკუას სახელობის გამოყენებითი მათემატიკის ინსტიტუტში მეცნიერ თანამშრომლად; 1998-2007წწ. იყო ამავე ინსტიტუტის ლაბორატორიის გამგე, 2000 წელს და 2005-2007წწ. არის ჩინეთის მეცნიერებათა აკადემიის მიწვე­ული პროფესორი (ქ. ნანჯინგი, "მეწამული მთის ობსერვატორია" = Purple Mountain Observatory), 2007-2014წწ. ქ. ლაჰორის (პაკისტანი) სა­ხელმწიფო უნივერსიტეტ-კოლეჯის ფიზიკის ფაკულტეტის უცხოელი პროფესორი; 2014 წლიდან კი თბილისის სახელმწიფო უნივერსიტეტის ი. ვეკუას სახელობის გამოყე­ნებითი მათემატიკის ინსტიტუტში უფროსი მეცნიერი თანამშრომელია; 2017 წელს კვლავ ქ. ლაჰორის სა­ხელმწიფო უნივერსიტეტ-კოლეჯში კითხულობდა ლექციებს; მისი სამეცნიერო ინ­ტე­რე­სე­ბის სფეროა პლაზმის ფიზიკა; მაგნი­ტოსფეროსა და იონოსფეროს ფი­ზიკა; თერმობირთვული დანადგარების თეორია; ­მიწისძვრის წინამძღვრების თეორიული საკი­თხები; მზის ფიზიკა; არაწრფივი დინამიკა და ქაოსი; მან (სა­ქარ­თვე­ლო­ში პირველად) დაიწყო ფიზიკის ამოცანების რიცხვითი გათვლების რეალიზაცია ელექტრონულ გამომთვლელ მანქანებზე, საფუძველი ჩაუყარა თერმობირთვული არამდგრადობის თეორიას რეაქტორ ტოკამაკში; არის მრავალი სამეცნ. ნაშრომის ავტორი.  ნაყოფიერი კვლევებისთვის მიღებული აქვს პაკისტანის მეცნიერებისა და ტექ­ნოლოგიების სამინისტროს პრემიები (2011, 2012, 2013). ფიზიკა-მათემატიკის მეცნიერებათა დოქტო­რი (1990).

წყარო: საქართველო: ენციკლოპედია: ტ. IV. -თბ., 2018.-გვ. 494

• 2002 - ილია ვეკუას სახელობის პრემია