მალხაზ თუთარაშვილი

დაბადების ადგილი: ქ. თბილისი.

დაამთავრა საქართველოს სასოფლო-სამეურნეო ინსტიტუტი სწავლული აგრონომის კვალიფიკაციით 1970 წელს.

მუშაობა დაიწყო ინსტიტუტის მევენახეობის კათედრაზე ლაბორანტის თანამდებობაზე. 1971 წლიდან მუშაობდა ჰიდრომეტეოროლოგიის ინსტიტუტის აგრომეტეოროლოგიის ლაბორატორიაში ჯერ უმცროს, შემდეგ უფროს მეცნიერ თანამშრომლად, წამყვან მეცნიერ თანამშრომლად. გამოქვეყნებული აქვს 29 სამეცნიერო ნაშრომი, რომელთა ნაწილი უცხოეთშია დაბეჭდილი. თანაავტორობით შედგენილი აქვს 20-ზე მეტი აგროკლიმატური რუკა. გეოგრფიულ მეცნიერებათა კანდიდატი.

საკანდიდატო დისერტაციის თემა - "მრავალწლიანი კენკროვანი კულტურების (შავი მოცხარი) ზრდა-განვითარებისა და მოსავლის ფორმირების აგროკლიმატური პირობების კვლევა საქართველოს მაღალმთიან რაიონებში", დაიცვა 1989 წელს.

წყარო: ქართველი მოგზაურები, გეოგრაფები, ბუნების მკვლევარნი: ენციკლოპედიური ცნობარი.-თბ., 2003. -გვ.136