ანტონ ინგოროყვა

დაბადების ადგილი: სოფელი მაკვანეთი, ოზურგეთის რაიონი.

დაამთავრა საქართველოს პოლიტექნიკურრი ინსტიტუტის სამთო-გეოლოგიური ფაკულტეტი 1971 წელს და თბილისის სახელმწიფო უნივერსიტეტის ეკონომიკის ფაკულტეტი.

1970-1990წწ. ეწეოდა პარტიულ საქმიანობას; 1990-1991წწ. საქართველოს რესპუბლიკის პირველი მოწვევის უზენაესი საბჭოს წევრი, საქართველოს კომუნისტური პარტიის სიით; ხელი აქვს მოწერილი საქართველოს სახელმწიფოებრივი დამოუკიდებლობის აღდგენის აქტზე (1991 წლის 9 აპრილი); 1990-1995წწ. საქართველოს ტექნიკური უნივერსიტეტის ეკონომიკის კათედრის დოცენტი; 1991-1994წწ. აგროსამრეწველო ფირმა "სამგორის"  გენერალური დირექტორი; 1994-1995წწ. სახელმწიფო კომერციული შემნახველი ბანკის გამგეობის თავმჯდომარის პირველი მოადგილე; 1995წ. "ახალი ქართული ბანკის" ვიცე-პრეზიდენტი; 1995-1998წწ. "გაერთიანებული ქართული ბანკის" გენერალური დირექტორი; 1995 წლიდან საქართველოს ტექნიკური უნივერსიტეტის "საბანკო საქმის" კათედრის გამგე; 1998-1999წწ. "გაერთიანებული ქართული ბანკის" სამეთვალყურეო საბჭოს წევრი; 1999 წელს  "გაერთიანებული ქართული ბანკის" სამეთვალყურეო საბჭოს თავმჯდომარე; 1999-2000წწ. საქართველოს მე-5 მოწვევის პარლამენტის წევრი, საარჩევნო ბლოკი: საქართველოს მოქალაქეთა კავშირი, საარჩევნო ფორმა: პარტიული სიით.

წყარო: საქართველოს პარლამენტის ვებგვერდი: parliament.ge; საქართველოს პარლამენტის წევრები 1990-2015 / კობა ამირხანაშვილი.- თბ., 2015.- გვ. 182

• საქართველოს მე-5 მოწვევის პარლამენტი, წევრი (1999-2000)
• საქართველოს მე-5 მოწვევის პარლამენტის ეკონომიკური პოლიტიკის და საფინანსო-საბიუჯეტო კომიტეტი, წევრი (1999-2000)
• საქართველოს რესპუბლიკის პირველი მოწვევის უზენაესი საბჭო, წევრი (1990-1991)
• საქართველოს რესპუბლიკის პირველი მოწვევის უზენაესი საბჭოს მრეწველობის, ენერგეტიკის, მშენებლობის, ტრანსპორტისა და კავშირგამბულობის კომისია, წევრი (1990-1991)