ევგრაფ კანდელაკი

დაბადების ადგილი: სოფელი ნიკორწმინდა, რაჭის მაზრა, ქუთაისის გუბერნია, ახლანდელი ამბროლაურის მუ­ნიციპალიტეტი.

დაამთავრა თბილისის სახელმწიფო უნივერსიტეტის მრეწველობის ეკონომიკის ფაკულტეტი 1950 წელს.

1952-1960წწ. მუშა­ობ­და სა­ქართველოს სასოფლო-სამეურნეო ინსტიტუტში პოლიტეკონომიის კათედრაზე; 1960 წლიდან  ეწე­ოდა სამეცნიერო და პედაგოგიურ მოღვაწეობას საქართველოს პოლიტექნიკურ ინსტიტუტში (ამჟამად – სტუ), იყო პოლიტეკონომიის (შემდგომში – ეკონომიკის თეორიისა და მარკეტინგის) კა­თე­დრის დოცენტი, პროფესორი, კონსულტანტი. მონაწილეობდა II მსოფლიო ომში (1939–1945); მრავალი სამეცნიერო ­ნაშრომისა და ორი გამოგონების ­ავტორია; მისი შრომები ეხება მინეროლოგიური ნედლე­ულის ეკონომიკის, უმაღლესი განათლების ორგანიზაციის, საერთაშორისო ეკონომიკორი ურთიერთობების, საქარ­თვე­ლოს მსოფლიო ეკონომიკაში ინტეგრირებისა და სხვა პრობლემებს; განსაკუთრებით აღსანიშნავია მისი მოღვაწეობა მეტალურგიის დარგში; ფუნდამენტური ნაშრომი მიუძღვნა შავი მეტალურგიის ეკონომიკურ პრობლემებს სა­ქარ­თვე­ლო­ში; მან ერთ-ერთმა პირველმა შეისწავლა ზესტაფონის ფეროშენადნობე­ბის წარმოების ეკონომიკა. მისი მო­ნა­წი­ლეო­ბით შემუშავებულია და დანერგილია ად­გილობრივი ქალცედონების გამოყენებით ფეროშენადნობების მიღების ახალი ტექნოლოგია. მიღებული აქვს საბრძოლო ჯილდოები. ინჟინერ-ეკონომისტი, ეკონომიკის მეცნიერებათა დოქტორი (1969).

წყარო: საქართველო: ენციკლოპედია: ტ. IV. -თბ., 2018.-გვ. 511-512; წიგნი ღირსებისა: ტ. 5/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2003. - გვ.82

• 2000 - ღირსების ორდენი

• ჩინეთის ფენომენი და თანამედროვეობა (ავტორი). - თბილისი, ტექნ. უნ-ტის გამ-ბა, 1997. - 68გვ.
• დაჩქარების სტრატეგია და სამეურნეო მექანიზმი (ავტორი). - თბილისი, 1987. - 32გვ.
• შრომის მეცნიერული ორგანიზაციის ზოგიერთი საკითხი უმაღლეს სკოლაში (ავტორი). - თბილისი, თბილ. უნ-ტის გამ-ბა, 1971. - 119გვ.
• Экономические проблемы черной металлургии Грузинской ССР : 50-летию Тбилисского Гос. Университета посвящается (ავტორი) // Т.2. - Тбилиси, Мецниереба, 1969. - 361c.
• Экономические проблемы черной металлургии Грузинской ССР : 50-летию Тбилисского Гос. Университета посвящается (ავტორი) // Т.1. - Тбилиси, Мецниереба, 1968. - 343с.