ნელი კანდელაკი

დაბადების ადგილი: ქ. თბილისი.

დაამთავრა თბილისის სა­ხელმწიფო სამხატვრო აკადემია ფერწერის ფაკულტეტი 1958 წელს, (პედაგოგები – კ. სანაძე, ა. ქუ­თათელაძე, ვ. შუხაევი).

თბილისის სამხატვრო აკადემიაში ეწეოდა პედაგოგიურ მოღვაწეობას; 1979–2001წწ. იყო აკადემიის მოსამზადებელი კურსების დირექტორი; 1962 წლიდან სამხატვრო გამოფენებში მონაწილეობდა. ნამუშევრები: პორტრეტები – "ნიკოლოზ კანდელაკი" (1958), "ირაკლი აბაშიძე", "გიორგი ლეონიძე", "იოსებ გრიშა­შვი­ლი", "ლეო ქიაჩელი" (ყველა 1959), "ფრიდონ ხალვაში", "პარმენ ლორია" (ორივე 1960), "გენერალი აბრამიძე" (1965), "ერნესტ ჰემინგუეის სახლი კუბაზე" (1967), "გალაკტიონ ტაბიძე" (1971), "თამარ თეთრაძე" (1976), "ყირიმი" (1981) და სხვ. გამოფენები: "კუბა მხატვრის თვალით" (1968, თბილისი), ­"სა­ქარ­თვე­ლოს სსრ სახვითი ხელოვნება" (1987, მოსკოვი); პერსონალური – თბილისი (1977, 1996) და სხვა; მისი ნამუშევრები და­ცუ­ლია ბათუმის მხარეთმცოდნეობის მუზეუმში, საქარ­თვე­ლოს ლიტერატურის მუზეუმში, კუბის, რუსეთის, საფრანგეთის, სომხეთისა და სხვა კერძო კოლექციებში.

წყარო: საქართველო: ენციკლოპედია: ტ. IV. -თბ., 2018.-გვ. 512; წიგნი ღირსებისა: ტ. 3/ შემდგ.: თამაზ ყიფიანი (რედ.), თენგიზ გაჩეჩილაძე, გურამ სიმონიშვილი.- თბ., 2001. - გვ.302

• 1999 - ღირსების ორდენი
  ქართული სახვითი ხელოვნების განვითარებაში, საგამომცემლო საქმიანობაში, ქართული წიგნის გამოცემაში შეტანილი პირადი დიდი წვლილისა, ნაყოფიერი შემოქმედებითი და პედაგოგიური მოღვაწეობისათვის
• 1971 - სა­ქართველოს დამსახურებული მხა­ტვარი